Målet i figurteikning er å trene studenten i observasjons- og teikneevner. Dette vil gi verktøy og eit grunnlag for å løyse animasjonstekniske utfordringar gjennom bachelorstudiet. Emnet er meint for studentar som allereie har lært grunnleggande prinsipp innan figurteikning. Studenten vil få utvida kunnskap om proporsjonar, anatomi, bevegelse og komposisjon, og lære å forhalde seg til meir komplekse former. Studenten vil også lære seg å oppdage proporsjonsforhold innanfor ei begrensa tidsramme, og dei vil, meir generelt, få utvida kunnskap om moglegheiter innan teikning som kunstnarisk uttrykk. Hovudmålet med emnet er at studenten skal oppretthalde og vidareutvikle ferdigheitene frå Figurteikning 1. Emnet består av forelesingar og praktiske øvingar med rettleiing.