Semestre
ENG203 Litteratur og film
60 studiepoeng i engelsk (årsstudium eller tilsvarande)
Emnet utforskar ulike former for adaptasjonar, og i hovudsak adaptasjon frå litteratur til film. Emnet samanliknar originale litterære verk med respektive filmadaptasjonar, men kan også ta føre seg spesielle hendingar, myter eller historier og sjå på korleis og kvifor desse blir framstilt ulikt i dei to media. Studenten vil slik få ei forståing av korleis og kvifor filmadaptasjonar skil seg frå litterære tekstar. Ein vil ta for seg tekstar og filmar frå ulike historiske periodar og frå ulike delar av den engelskspråklege verda; ein vil slik kunne demonstrere at dei to media ikkje berre er definert av særeigne artistiske virkemiddel, men at dei også er påverka av historiske, sosiale og kulturelle faktorar.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Etter fullført emne har studenten kunnskap om:
- grunnleggande karaktertrekk ved litteratur og film – kva som kjenneteiknar desse formene
- grunnleggande adaptasjonsteori – likskapar og ulikskapar mellom litterære og filmatiske former
- litterære tekstar og filmadaptasjonar i ein historisk, sosial og kulturell kontekst
- korleis å skrive lengre akademiske tekstar på engelsk
Etter fullført emne kan studenten:
- analysere struktur og artistiske verkemiddel i eit utval litterære verk og filmadaptasjonar
- gjere greie for og nytte adaptasjonsteori
- forstå korleis og kvifor filmadaptasjonar skil seg frå sine respektive litterære kjelder
Etter fullført emne kan studenten:
- bruke litterær og filmatisk fagterminologi for å drøfte forholdet mellom litteratur og film
- skrive og snakke om litteratur og film på ein overtydande og effektiv måte på akademisk engelsk
Undervisinga vert gitt i form av forelesingar, diskusjonar og individuell rettleiing.
Kvar student skal gje ein kort munnleg presentasjon individuelt eller i grupper. Kvar student skal også levere inn eit førsteutkast til den individuelle skriftlege oppgåva (sjå vurdering og eksamen). Tema for oppgåva blir vald i samråd med faglærar, og må godkjennast av denne. Kvar student har rett til eitt individuelt rettleiingsmøte med rettleiar, i tillegg til tilbakemelding på førsteutkastet. Begge oppgåvene må leverast innan ein frist som vert kunngjort ved semesterstart. Begge krava må vere godkjende for at studenten skal få gå opp til eksamen.
Sensur blir gjennomført i samsvar med Forskrift om opptak, studium og eksamen ved Høgskulen i Volda.
Emnet vert evaluert i samsvar med HVO sitt kvalitetssikringssystem.
- Engelsk - fordjupingsstudium
- Språk og litteratur - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individuell | 1 semester | A-F, der A er best og E er siste ståkarakter | 4000-5000 ord | |||
Munnleg justerande eksamen | Individuell | 45 minutt | A-F, der A er best og E er siste ståkarakter | 100 |