ENG211 Bacheloroppgåve - språk
75 studiepoeng engelsk, som må inkudere 60 stp på grunnivå: ENG141, ENG142, ENG43, ENG144 , og minst eitt fordjupingsemne i engelsk, anten ENG200 eller ENG201 (eller tilsvarande emne frå andre lærestadar etter søknad). Bacheloroppgåva må byggje på eit fordjupingsemne, men fordjupingsemnet kan eventuelt takast parallelt med bacheloroppgåva.
Emnet består av ei indviduell, skriftleg oppgåve og eit tilhøyrande teoripensum. Oppgåva skal vere på 7000-9000 ord (bokliste og vedlegg ikkje medrekna). Studenten vel sjølv tema for denne i samråd med emneansvarleg. Arbeidet skal vere ei forlenging av det språklege fordjupingsemnet studenten har avlagt eksamen i, eller skal avlegge eksamen i same semester. Oppgåva skal skrivast på engelsk.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
- inngåande kunnskap om eit utvald språkleg emne.
- grunnleggande kunnskap om teori og forskingsmetode relevant i høve til dette emnet
- evne til å utforske det utvalde emnet basert på ei problemstilling utarbeidd saman med rettleiar
- evne til å finne naudsynt kjeldemateriale, og til å bearbeide, drøfte og presentere dette i ei lengre, skriftleg form.
- evne til å uttrykkje seg på akademisk engelsk
- evne til å rette seg etter gjeldande normer for akademisk skriving.
Studenten skal i samråd med rettleiar/emneansvarleg velje tema, problemstilling og avgrensing for oppgåva. Det er ein føresetnad at studenten arbeider sjølvstendig. Studenten får rettleiing frå faglærar undervegs i prosessen. Arbeidet med stoffet er elles sjølvstudium.
- Studenten må levere eit oppsett over emne, problemstilling og pensumframlegg innan oppsett frist i byrjinga av semesteret.
- Studenten skal møte til to eller tre avtalte rettleiingssamtalar med oppnemnd rettleiar, alternativt nett/telefon-samtalar.
- Før den andre rettleingssamtalen skal studenten levere ei oppgåveskisse på minimum 1500 ord, og eit utkast til pensumlista.
- Oppgåva med pensumlister må leverast innan oppsett frist.
- For å få godkjendt arbeidskrava må studenten halde seg til fastsette fristar.
Sensur blir gjennomført i samsvar med Forskrift om opptak, studium og eksamen ved Høgskulen i Volda.
Emnet vert evaluert i samsvar med HVO sitt kvalitetssikringssystem.
- Engelsk - fordjupingsstudium
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Bacheloroppgåve | Individuell | A-F, der A er best og E er siste ståkarakter | Oppgåva skal vere på 7- 9000 ord (litteraturliste og vedlegg ikkje medrekna). | ||||
Munnleg justerande eksamen | Individuell | A-F, der A er best og E er siste ståkarakter | 100 | Studentane vert eksaminerte i både pensumlitteratur og i bacheloroppgåva. Studenten si evne til å uttrykkje seg munnleg på engelsk vil telje med i vurderinga. |
Det vert gitt ein førebels karakter på oppgåva.