Semestre

EXP100N Examen philosophicum, 10 stp, nettbasert

Emnekode: 
EXP100N
Varighet: 
1 semester
Studiepoeng: 
10
Studienivå: 
Bachelor (grunnivå)
Undervisningssemester: 
2024 Vår
Eksamenssemester: 
2024 Vår
Undervisningsspråk: 
Norsk
Krav til forkunnskapar

Ingen.

Om emnet

Emnet er ei innføring i tradisjonelle emne i examen philosophicum. Fagstoffet er fordelt på tre delar, og omfattar filosofi- og vitskapshistorie, generell vitskapsfilosofi og allmenn moralfilosofi.
Del 1 gjev oversyn over filosofi- og vitskapshistoria frå oldtida til i dag med særleg konsentrasjon om oldtidsfilosofien og nyare tid frå og med Descartes. Del 2 gjev eit oversyn over nokre grunnleggjande problem og teoriar i vitskapsfilosofien. Hovudvekta ligg på utviklinga på 1900-talet. Del 3 gjev eit oversyn over grunnleggjande problem og teoriar i moralfilosofien.

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten:

  • har kjennskap til kva dei sentrale filosofiske spørsmåla dreier seg om
  • har kjennskap til korleis nokre sentrale filosofar har drøfta og svara på desse spørsmåla til ulike tider
  • har innsikt i ulike kunnskapsteoriar og kvar dei viktigaste filosofane plasserer seg kunnskapsteoretisk
  • har innsikt i grunnleggande vitskapelege tenkjemåtar og metodar
  • har innsikt i grunnleggande omgrep, teoriar og tenking innan allmenn moralfilosofi og etikk
Ferdigheiter

Studenten:

  • har ferdigheiter i fagleg skriving
  • har ferdigheiter i planmessig arbeid med emneavgrensing, problemformulering, stoffsamling og kjelder
  • kan reflektere over eige fagleg arbeid og justere dette etter respons
  • kan nytte relevante faglege verktøy, teknikkar og uttrykksformer
  • kan reflektere over filosofiske problemstillingar og filosofiske omgrep
  • kan applisere vitskapelege tenkemåtar og metodar på ulike fagstudium
  • kan anvende etisk tenking på utvalde etiske problemstillingar 
Generell kompetanse

Studenten

  • kan formidle sentralt fagstoff som teoriar, problemstillingar og løysingar både skriftleg og munnleg
  • kan utveksle oppfatningar og erfaringar med andre med bakgrunn innan fagområdet
  • kan utvikle evne til sjølvstendig refleksjon omkring både filosofiske, vitskapsteoretiske og grunnlagsetiske spørsmål  - som vil kunne vere til nytte i ulike fagstudium, for eiga tenking kring eksistensielle spørsmål, og for utfordringar framtidige yrke kan kome til å byde på.
Praktisk organisering og arbeidsmåtar

Emnet er organisert som eit nettstudium. Undervisinga er ei variasjon av digitale møtepunkt, skriftlege leksjonar og undervisningsfilmar i Canvas. Studenten får også individuell respons på skriftlege arbeid. 

Vilkår for å framstille seg til eksamen

Student skal levere og få tilbakemelding på fleire skriftlege arbeid. Arbeida må vere godkjende før ein kan ta eksamen.

Sensorordning

Sensur blir gjennomført i samsvar med Forskrift om opptak, studium og eksamen ved Høgskulen i Volda.

Evaluering og kvalitetssikring

Emnet vert evaluert i samsvar med HVO sitt kvalitetssystem.

Minimumstal: 
5
Maksimumstal: 
50
Emneansvarleg: 
Jostein Garcia de Presno
Emnet inngår i følgande studieprogram
  • Examen Philosophicum (nettstudium)
VurderingsformGrupperingVarighetKarakterskalaAndelKommentarHjelpemidlerOmfang
Heimeeksamen
Individuell
3 Dagar
A-F, der A er best og E er siste ståkarakter
100
Studenten vel sjølv om eksamen skrivast på norsk eller engelsk.
Alle
Endeleg vurdering i emnet skjer på grunnlag av ein individuell heimeeksamen. 2500 ord (+/- 10%).
Godkjent av: 
Arne Myklebust