Semestre
IKF209 Bacheloroppgåve - Guideprodukt
Studentane skal levere eit utviklingsarbeid, der dei har utvika og ferdigstilt eit naturbasert guideprodukt i tråd med prosjektskissa.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har kunnskapar om guiden si rolle i naturbasert reiseliv.
- har kunnskapar om dei elementa eit naturbasert reiselivsprodukt må innehalde for å oppfylle krava for ein godkjend turoperatør.
- har kunnskapar om rammeverket for å kunne gjennomføre praktisk naturguidearbeid etter profesjonsstandarden for naturguidar.
Studenten
- kan bruke kunnskapar, innsikter og erfaringar frå guideoppgåver i studiet, praksis og studieferd til å utvikle guideprodukt.
- kan utvikle eit guida reiselivsprodukt , der ein kartlegg og skildrar heile produktet med transport, overnatting, bevertning, guida tur i valt område, vurderingar av tryggleiken og eventuelle restriksjonar i området. Det skal leggjast særleg vekt på sjølve guidearbeidet. Målgruppe skal vere definert.
Studenten
- kan reflektere over yrkesmessige, juridiske og etiske sider ved rolla som naturguide.
- kan bidra med erfaringar, innsikt og synspunkt for å utvikle gode og ansvarlege produkt innan naturguiding.
Studiet vil veksle mellom framleggingar, drøftingar i plenum og eigenstudium.
Studentane får tilbod om rettleiing i arbeidet med oppgåva.
Det er obligatorisk frammøte og deltaking i alle organiserte læringsaktivitetar og undervisning, jamfør Forskrift om opptak, studium og eksamen, §4-6 ( https://lovdata.no/dokument/SF/forskrift/2014-12-04-1697).
Semesterplanen viser omfanget av dei obligatoriske delane av studiet.
Arbeidskrav
- Gjennomført munnleg framlegging av 1.Tema for oppgåva og 2.Skisse av guideproduktet.
- Levert rettleiingsdokument og avtalt tid for rettleiing med faglærar.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.
- Friluftsliv og naturguide - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individuell eller gruppe (etter avtale) | 1 semester | A-F, der A er best og E er siste ståkarakter | 100 | Oppgåva skal normalt skrivast i grupper på 2-3 studentar. Som alternativ til skriftleg oppgåve kan studentane velje munnleg presentasjon. | Alle | 1. Skriftleg oppgåve. Omfang på 6000 - 12 000 ord. Linjeavstand 1,5 i Times New Roman, 12 pkt font. Evt tabellar, figurar og vedlegg kjem i tillegg. 2. Fagleg presentasjon på 30 minutt av ei problemstilling (valfrie hjelpemiddel) + 15 minutt til å svare på spørsmål. |