Semestre
KOH134 Innføring - handverk og materiale
Ingen
Emnet Innføring - handverk og materiale er eit obligatorisk emne i studieprogrammet Bachelor i design, kunst og handverk. Sentralt i emnet står skapande arbeid med form og funksjon i materialområda tre, tekstil og leire.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
- har kunnskap om ideutvikling og kreative prosessar i møte med materialområda tre, tekstil og leire
- har kunnskap om ulike materiale, handverksteknikkar, verkty og maskiner knytt til tre, tekstil og leire
- har kunnskap om form- og funksjonsanalyse
- har kjennskap til kunst- og kulturstoff knytt til gjenstandskulturen inan tre, tekstil og leire.
Studenten:
- kan planleggje, formgi og gjennomføre idèar knytt til materialområda tre, tekstil og leire
- kan arbeide med ulike materiale og handverksteknikkar innan tre, tekstil og leire
- kan bruke og vedlikehalde verktøy og maskiner, alt ut frå eit funksjons- og miljøperspektiv
- kan gjere greie for ulike produkt sine kulturelle referansar, mellom anna den samiske.
Studenten:
- kan utnytte faget sitt potensiale til å fremje gjenbruk og berekraftig utvikling
- kan reflektere over relevante HMS-tiltak knytt materialområda tre, tekstil og leire
- kan bruke verdiar i faget til å stimulere til eige personlegdomsutvikling og danning.
Arbeids- og undervisningsformene i studiet er ein kombinasjon av fagteori, bruk av digitale formidlings- og læringsressursar, praktisk verkstadsarbeid og teoretisk oppgåveløysing. Undervisninga vert organisert både individuelt og i grupper, og arbeidet kan vere både lærar- og studentstyrt. Studentane får individuell rettleiing undervegs i arbeidsøktene.
Emnet er organisert i materialområda tre, tekstil og leire.
Det er obligatorisk frammøte og deltaking i alle organiserte læringsaktivitetar og undervisning, jamfør Forskrift om opptak, studium og eksamen.
Med deltaking meiner ein at studentane skal arbeide med oppgåveløysingar slik at lærar og medstudentar få innsyn i arbeidsprosessane. Studentar som er borte frå undervisinga, har sjølve ansvar for å setje seg inn i gjennomgått fagstoff i deira fråvær.
Arbeidskrav: Oppgåver knytt til dei tre materialområda (tre, tekstil og leire), leverte innan fastsett frist.
Sensur blir gjennomført i samsvar med Forskrift om opptak, studieum og eksamen ved Høgskulen i Volda.
Studentane betaler ei materialavgift på kr. 900,- til innkjøp av fellesmateriale.
- Design, kunst og handverk - årsstudium
- Design, kunst og handverk - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | semester | A-F, der A er best og E er siste ståkarakter | 100 | Tre praktiske oppgåver Ein prosessrapport |