Semestre

MAT140-AVG Digitale verktøy i matematikkundervisninga

Emnekode: 
MAT140-AVG
Varighet: 
2 semester
Studiepoeng: 
15
Studienivå: 
Bachelor (grunnivå)
Undervisningssemester: 
2018 Haust
2019 Vår
Eksamenssemester: 
2019 Vår
Undervisningsspråk: 
Norsk
Pensum: 

Pensumliste for emnet finn du her

Krav til forkunnskapar

Ingen. 

Om emnet

Gjennom emnet får studentane vidareutvikle sitt didaktiske og faglege grunnlag for å bruke digitale verktøy i matematikkundervisinga. Emnet gjev studentane kompetanse i kritisk refleksjon over korleis, kvifor og når bruke ulike digitale verktøy i undervisninga. I emnet vil studentane også utvikle kompetanse i å reflektere rundt endringar i matematikkfaget som konsekvens av digital utvikling, og kva kompetanse ein matematikklærar treng i dag  og i framtida. Emnet vil innehalde tre om lag like store delar:

  • GeoGebra. Innføring i dataprogrammet GeoGebra og korleis dette kan brukast i skulen på ulike nivå. Didaktisk bruk av programmet knytt opp mot kompetansemåla i LK06 og eksamen i tiande klasse.
  • Rekneark. Innføring i rekneark og korleis dette kan brukast i skulen på ulike nivå. Didaktisk bruk av programmet knytt opp mot kompetansemåla i LK06 og eksamen i tiande klasse.
  • Andre digitale ressursar i matematikk. Der er ei aukande mengd av tilgjengelege digitale ressursar, nettsider, nettbrett, appar, interaktive tavler, digitale spel med meir. I emnet tek vi opp didaktisk bruk av slike ressursar.  Her kan bruk av koding i matematikk, formeleditorar og omvendt undervising også vere relevant.
Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten

  • har brei kunnskap om pedagogisk bruk av IKT i matematikkundervisninga som fremjar læring
  • har undervisningskunnskap om, og i, bruk av GeoGebra og rekneark  i matematikkopplæringa i grunnskulen
  • har kjennskap til og undervisingskompetanse i digitale ressursar som kan fremje læring i matematikk, og kan vurdere desse mot kvarandre
Ferdigheiter

Studenten

  • kan anvende spesialkunnskap i bruk av eit utvalt digitalt verktøy i matematikkundervisninga
  • kan bidra i lokalt læreplanarbeid med integrering av digitale ressursar i undervisninga
  • kan bruke digitale verktøy som reiskap for å tilrettelegge undervisinga
  • kan ta i bruk digitale verktøy ved vurdering av elevane sitt læringsutbytte
Generell kompetanse

Studenten skal

  • kunne delta og bidra i lokalt utviklingsarbeid knytt til digital matematikkundervisning og utvikle matematikklæraren sin praksis i bruk av  digitale verktøy i undervisinga
  • utvikle haldningar til, forståing for og refleksjon over bruken av digitale verktøy i matematikk
Praktisk organisering og arbeidsmåtar

Emnet er nettbasert med to obligatoriske samlingar i Volda. Nettleksjonar med mellom anna undervisingsvideoar i HVO si læringsplattform og live videoundervising via nett. Arbeidsoppgåver vil bli relatert til praktisk bruk av digitale verktøy i skulen. Vi legg opp til problembaserte og studentaktive arbeidsformer.

Vilkår for å framstille seg til eksamen

Frammøtekrav:

Det er obligatorisk frammøte til samlingane i Volda, presisert og tidfesta i semesterplanen.

Arbeidskrav:

  • 3 refleksjonsoppgåver på om lag 1000 ord, kvar oppgåve vil vere knytt til kvar sin del av emnet (nemnt over). Desse refleksjonsoppgåve vil inngå i eksamensmappa.
  • Kvar nettleksjon (modul) i Canvas vil verte avslutta med eit lite arbeidskrav, som alle må vere godkjent før ein kan framstille seg til eksamen.
Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11

Evaluering og kvalitetssikring

Emnet vert evaluert i samsvar med HVO sitt kvalitetssikringssystem. 

Minimumstal: 
10
Maksimumstal: 
50
Emneansvarleg: 
Odd Helge Mjellem Tonheim
Studieavgift

Kr. 4.000,-

Emnet inngår i følgande studieprogram
  • Programmering og andre digitale verktøy i matematikkundervisninga (nett- og samlingsbasert)
VurderingsformGrupperingVarighetKarakterskalaAndelKommentarHjelpemidlerOmfang
Mappeeksamen
Individuell
2 semester
Stått eller ikkje stått
Studenten skal levere ei vurderingsmappe med dei tre refleksjonsoppgåvene i emnet saman med ein presentasjonstekst. I presentasjonsteksta på om lag 1000 ord skal studenten presentere arbeida som er valt ut og arbeidet med dei.

Vurderingsmappa skal leverast elektronisk.