Semestre

MKK101 Mat, kultur og konservering 1

Emnekode: 
MKK101
Varighet: 
1 semester
Studiepoeng: 
15
Studienivå: 
Bachelor (grunnivå)
Undervisningssemester: 
2016 Haust
Emnenavn på engelsk: 
Food Culture 1
Emnenavn på bokmål: 
Matkultur 1
Eksamenssemester: 
2016 Haust
Undervisningsspråk: 
Norsk
Krav til forkunnskapar

Ingen

Om emnet

Emnet er bygd opp kring fem samlingar per semester og desse fem samlingane har dette innhaldet:

  • Samling 1 - Generell innføring i kulturomgrepet og spesielt matkulturomgrepet Konservering av mat. Sylting, safting, tørking og hermetisering av frukt, bær og grønsaker.
  • Samling 2 - Måltidet før og no mataktivitetar knytt til museumsarbeid og anna formidling
  • Samling 3 - Konservering og oppbevaring av kjøt. Slakting, partering, salting og tørking av kjøt
  • Samling 4 - Korn og bakst i historisk og kulturelt perspektiv. Takkebakst av lefser og flatbrød
  • Samling 5 - Julefeiring og julemat i historisk og kulturelt perspektiv
Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten skal

  • vise kunnskap om handsaming, laging og konservering av mat knytt til tema i emnet, som til dømes hermetisering av frukt og grønsaker osb.

  • vise kunnskap om heimeslakting som gamal tradisjon og vite korleis slaktinga gjekk, eller kan gå, føre seg

  • vise kunnskap om faktorar som er sentrale i nedbryting og konservering av mat og kvifor og korleis maten vert, og i historisk samanheng har vorte konservert

  • vise kunnskap om korleis kulturomgrepet har utvikla seg, og korleis maten vår har vorte handsama innanfor kulturomgrepet. Studenten skal og vise kunnskap om korleis maten har utvikla seg opp gjennom tidene

  • vise kunnskap om samanhengar i levesett og korleis ei teknisk, økonomisk og kulturell utvikling har fått konsekvensar for den maten vi et i dag

  • vise kunnskap om, og refleksjon kring, planlegging og gjennomføring av mataktivitetar med barn og vaksne der læring og erfaring står sentralt

Ferdigheiter

Studenten skal kunne

  • handsame, lage og konservere mat knytt til tema i emnet, som til dømes bake lefser og flatbrød, koke søst, hermetisere frukt og grønsaker osb.

  • lage diverse tradisjonelle og konserverte kjøtrettar som lammerull, syltaflesk, leverpostei og ulike slag spekemat

  • planlegge og gjennomføre praktiske mataktivitetar med barn og vaksne der både læring og erfaring står sentralt

  • formidle handlingsboren og teoretisk kunnskap om mat og matkultur til eit allment publikum, m.a. gjennom digitale medium slik som blogg
Generell kompetanse

Studenten skal

  • vise refleksjon kring mat og matkultur i ein samfunnsmessig samanheng
  • vise evne til fagleg basert kritisk tenking knytt til ulike matkulturelle tema
  • kunne samarbeide med andre i praktiske undervisnings- og formidlingsaktivitetar knytt til mat og matkultur
  • vise evne til formidling av handlingsboren og teoretisk kunnskap av matkulturelle emne prega av kunnskap, fagleg refleksjon og kjeldekritisk tenking
Praktisk organisering og arbeidsmåtar

Undervisninga er organisert som fem samlingar per semester. Første dag av kvar samling vil normalt vere teori i form av førelesningar. Andre dag vil normalt vere praktisk arbeid på kjøkkenet. I tillegg til dette kjem planlegging og gjennomføring av ein matkulturell familiedag i museumskontekst

Vilkår for å framstille seg til eksamen

Frammøtekrav:

Det er obligatorisk frammøte til all undervisning, sjå Forskrift om studium og eksamen § 4-6 (http://lovdata.no/forskrift/2014-12-04-1697/§4-6).

 

Arbeidskrav:

Studentane skal gjennomføre ei individuell oppgåve som er både praktisk og teoretisk. I denne oppgåva skal studentane levere inn fire konserverte produkt og i tillegg dokumentere arbeidet gjennom ein multimodal tekst i eit digitalt medium, omfang tilsvarande om lag 1000-1800 ord per innlevering/produkt. Studentane skal planlegge og delta på kulturarrangement på bygdemuseet i Volda og arbeidet skal dokumenterast som eit individuelt blogginnlegg med omfang på om lag 700-1100 ord per student. Detaljar knytt til arbeidskrava vert kunngjort i semesterplanen.

Sensorordning

Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11 (http://lovdata.no/forskrift/2014-12-04-1697/%C2%A75-11)

Evaluering og kvalitetssikring

Emnet vert evaluert i samsvar med HVO sitt kvalitetssikringssystem.

Minimumstal: 
10
Maksimumstal: 
22
Emneansvarleg: 
Kari Ryslett
Erik Fooladi
Materialavgift

Kr. 900,-

Emnet inngår i følgande studieprogram
  • Mat, kultur og konservering
  • Matkultur og helse 60 stp.
VurderingsformGrupperingVarighetKarakterskalaAndelKommentarHjelpemidlerOmfang
Skriftleg eksamen
Individuell
6 timar
A-F, der A er best og E er siste ståkarakter
Digital skriftleg eksamen.
Ingen.