NAMABHG Naturfag og matematikk i barnehagen
Førskule-/barnehagelærarutdanning
I dette emnet skal studenten utvikle eit fagleg og didaktisk grunnlag til å kunne planleggje, tilpasse, gjennomføre og evaluere gode naturfaglege- og matematiske aktivitetar for og med barn. Studenten skal få grunnleggjande kunnskapar og dugleik til å legge til rette for gode naturopplevingar for barn og stimulere barna til undring og utforsking.
Innhaldet i emnet: landskapsformer, geologiske prosesser, evolusjon, biologisk mangfald, berekraftig utvikling, økologi, anatomi og fysiologi, naturkunnskap, årstider, naturen som spiskammers, kjøkken som læringsarena, kosthald- og ernæringslære, fysikkaktivitetar og teknologi i barnehagen, tid og tidsmåling, universet og planetane, utvikling av matematiske omgrep og matematikk som reiskap til utforsking, problemløysing og til å forstå omverda.
I undervisninga blir det fokusert på barnehagelærarens rolle og ansvar for å gje barna varierte erfaringar med tilpassa naturfaglege og matematiske aktivitetar. Kunnskapsbasen i emnet byggjer på naturfag og matematikk, og kombinerer teoretisk og praksisnær kunnskap om barns naturfaglege og matematiske utvikling. Det blir lagt vekt på barnehagepedagogisk tilnærming og fagdidaktisk forsking knytt til emnet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har kunnskap om:
naturvitskaplege arbeidsmåtar og om korleis matematiske omgrep, modellar og tenkemåtar kan brukast til å forstå naturen og naturfenomen
barns matematiske utvikling, undring og utforsking, problemløysingskompetanse og omgrepsutvikling i matematikk, og verdien av å utvikle positive haldningar til matematikk
evolusjon, systematikk, artskunnskap, biologisk mangfald og berekraftig utvikling
anatomi og fysiologi, økologi, økosystem, plantar og dyr i nærområdet og endringar i naturen gjennom årstidene
tal, teljing, rekning, talsystem, måling, rom, form, mønster og symmetri tilpassa aldersgruppa, og matematikk som verktøy for systematisk utforsking og tenking
barns merksemd i naturen, barns utvikling, læring og opplevingar knytt til bruk av naturen
retningslinjer for mat og måltid i barnehagen, kostvanar hos barn og utfordringar med kosthaldet i barnehagen
korleis nytte matressursar frå naturen og sikre trygg mat i barnehagen
universet, sola, jorda og månen
teknologi og fysiske fenomen knytt til lys, lyd og luft
kviforlandskapet i nærområdet ut som det gjær og korleis geologiske prosesser endrarnaturen over tid.
Studenten skal kunne:
gjere naturfaglege observasjonar og undersøke både flora og fauna, ulike landskapselement og naturfenomen
gjere greie for korleis ein kan observere, legge til rette for, analysere, kartlegge og følje opp barns naturfaglege og matematiske utvikling
ta omsyn til barns merksemd i naturen, vere ein bevisst rollemodell og ein samtalepartnar som framhevar utvikling, læring og danning i arbeidet med naturfag og matematikk i barnehagen
organisere eit inkluderande og stimulerande læringsmiljø der barna blir inspirerte til å utforske naturen, matematiske problem og samanhengar
planlegge og praktisere trygg og skånsam ferdsel i ulike naturmiljø til ulike årstider
lage gode didaktiske planar i naturfag og matematikk
planlegge, gjennomføre og evaluere mat- og måltidsrelaterte aktivitetar med barn basert på lokale naturressursar
Studenten skal kunne:
kommunisere og drøfte fagleg-pedagogiske problemstillingar knytt til naturfag og matematikk med personalet, føresette og eksterne samarbeidspartnarar og vere pådrivar for arbeid med desse faga i barnehagen
dokumentere og evaluere barnehagens arbeid med naturfag og matematikk og ta på seg leiaransvar for utviklings- og kvalitetsarbeid i desse faga
vere aktiv i samtidas barnehagefaglege diskusjonar knytt til naturfag og matematikk
vurdere eit kosthald som er helsefremjande, planlegge og gjennomføre kunnskapsbaserte måltid i barnehagen og setje i gang og leie måltidsdiskursar i barnehagen
Undervisninga er organisert med tre samlingar à to dagar per semester, og i tillegg undervisning på Adobe Connect på to til tre timar per veke mellom samlingane. Det er krav om tilgang til PC eller Mac, web-kamera, hovudtelefon med mikrofon og stabilt internett.
Studenten må òg arbeide sjølvstendig med pensum og pålagde arbeidsoppgåver gjennom heile studieåret.
Vi tek sikte på å bruke element frå mat og helse og kjøkken som læringsarena for matematikk og naturfag.
Store delar av undervisninga på samlingane går føre seg ute, der ein tek i bruk nærmiljøet rundt Høgskulen og område lenger unna. Studenten må dermed kle seg etter vêr og årstid.
Emnet vert organisert i følgjande seks overordna temaområder:
Naturvitskap – barn og den mangfaldige naturen
Haustens grøde – sortering, mål og vekt
Berekraftig utvikling - klimamodellar
Undring og utforsking i barnehagen
Naturen vaknar til liv – kart, rom og retning
Kretsløpet i naturen – mat frå naturen
Frammøtekrav:
Det er obligatorisk frammøte til undervisninga i dette emnet, jamfør Forskrift om studium og eksamen ved Høgskulen i Volda, § 7-3 om frammøte/deltaking i undervisninga.
Arbeidskrav:
I løpet av studiet skal studenten utføre og få godkjend seks arbeidskrav. Studenten må ha tilgang til ei barnegruppe i samarbeid med barnehage og/eller SFO for å kunne gjennomføre arbeidskrava.
For meir informasjon om arbeidskrav, sjå § 7-2 i Forskrift om studium og eksamen ved Høgskulen i Volda. Nærare utdjuping av arbeidskrava vert gitt underveis i studiet.
Arbeidskrav nr 1: Skildring av korleis barnehagen der studenten er tilsett jobbar med naturfag og matematikk i uterommet i dag. Arbeidet skal dokumenterast i ein rapport på 1500 – 2000 ord, der relevant litteratur vert nytta.
Arbeidskrav nr 2: Didaktisk planlegging og gjennomføring av eit opplegg med geologiske prosesser med vann i sanden, der ein legg til rette for barns undring og utforsking, med påfølgjande etterarbeid i barnehagen. Arbeidet skal dokumenterast i ein rapport på 1500 – 2000 ord, der relevant litteratur vert nytta.
Arbeidskrav nr. 3: Studenten skal gjennomføre fysikkaktivitetar i barnehagen eller SFO med vekt på undring og utforsking. Arbeidet skal dokumenterast i ein rapport på 1500 – 2000 ord, der relevant litteratur vert nytta.
Arbeidskrav nr. 4: Studenten skal ta utgangspunkt i ein vanleg dag i barnehagen, og skrive om tre kvardagssituasjonar ein kan bruke som utgangspunkt til matematiske samtalar om sortering og gruppering. Kva vil du legge vekt på i desse tre samtalane, og kva har samtalen som mål at borna skal erfare? Skriv om erfaringane frå ein av samtalane. Relevant litteratur må nyttast. 1500-2000 ord.
Arbeidskrav nr. 5: Studentane skal planlegge og gjennomføre ein aktivitet på kjøkkenet, der dei legg vekt på at borna får erfaring med mål og/eller vekt. Det matematiske føremålet med aktiviteten skal kome tydeleg fram, vidare erfaring og refleksjonar knytt til dette. Relevant litteratur skal nyttast. 1500-2000 ord.
Arbeidskrav nr. 6: Artssamling
Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11 (http://lovdata.no/forskrift/2014-12-04-1697/%C2%A75-11)
Emnet vert evaluert i samsvar med HVO sitt kvalitetssikringssystem.
400 kr
- Vidareutdanning i naturfag og matematikk i barnehagen
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 3 Dagar | A-F, der A er best og E er siste ståkarakter |