Semestre

PROG1-510KFK Introduksjon til programmering for lærarar 1, 5.-10 trinn

Emnekode: 
PROG1-510KFK
Varighet: 
1 semester
Studiepoeng: 
7,5
Studienivå: 
Bachelor (grunnivå)
Undervisningssemester: 
2023 Haust
Eksamenssemester: 
2023 Haust
Undervisningsspråk: 
Norsk
Krav til forkunnskapar

Ingen

Om emnet

I emnet får studentane, uavhengig av tidlegare erfaring, utvikle kompetanse til å planlegge, gjennomføre og evaluere undervisningsopplegg som gir elevane grunnleggjande ferdigheiter i programmering. Emnet gir gode høve til å utvikle eigen kompetanse i programmering og didaktikk, og det å integrere programmering i ordinære undervisningsfag.  

Hovudfokuset ligg på korleis ein kan arbeide praktisk med programmering i grunnskulen. Studentane får erfaring med metodar for å utvikle algoritmisk tenking utan digitale verktøy, og med visuell- og tekstbasert programmering. Programmeringa går føre seg på nettbrett eller PC, og med mikrokontrollerar som t.d. Micro:bit og Arduino. 

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

 

Kunnskapar

Studenten

  • har forståing for programmering og algoritmisk tenking si rolle i samfunnet 
  • har forståing for programmering og algoritmisk tenking si rolle i skulen 
  • har grunnleggjande forståing for algoritmar 
  • vise forståing for og kunne kombinere grunnleggande element i visuell programmering 
  • gjere greie for programmering som prosess 
  • gjere greie for ulike didaktiske tilnærmingar til programmering 
Ferdigheiter

Studenten skal kunne 

  • utforme algoritmar og pseudokode  
  • utvikle program med ved hjelp av visuell programmering 
  • utvikle enklere program ved hjelp av tekstprogrammering 
  • kommentere, feilsøke og vidareutvikle program, samt produsere ryddig kode og dokumentasjon 
  • planlegge, gjennomføre og evaluere undervisning knytt til programmering  
  • vurdere elevarbeid som inkluderer programmering 
Generell kompetanse

Studenten skal kunne 

  • arbeide sjølvstendig og saman med andre for å identifisere, analysere og løyse problem knytt til elevars læring og utvikling om programmering  
  • bidra til å utvikle programmering i skulen som er fagleg grunngjeven 
Praktisk organisering og arbeidsmåtar

Vi legg opp til problembaserte og studentaktive arbeidsformer, individuelt og i grupper. Arbeidsoppgåver er praksisnære, og relatert til læring og formidling.

Emnet er organisert med ein kombinasjon av nettleksjonar og læringsressursar, øvingar og prosjektoppgåver. 

Vilkår for å framstille seg til eksamen

Frammøtekrav:

Ingen

Arbeidskrav:

  1. Studenten skal gjennomføre eit programmeringsprosjekt og dokumentere prosessen og resultatet gjennom ei innlevering. Prosessen vil bestå av fleire steg, definert i semesterplanen.  
  2. Studenten skal gjennomføre eit pedagogisk utviklingsarbeid som inkluderer programmering og dokumentere prosessen og resultatet gjennom ei innlevering. Prosessen med utviklingsarbeidet vil bestå av fleire steg, definert i semesterplanen.  
Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluering og kvalitetssikring

Emnet vert evaluert i samsvar med HVO sitt kvalitetssystem.

Minimumstal: 
5
Maksimumstal: 
50
Emneansvarleg: 
Torbjørn Frantsen
Emnet inngår i følgande studieprogram
  • Programmering for lærarar, 5.-10. trinn - Kompetanse for kvalitet
VurderingsformGrupperingVarighetKarakterskalaAndelKommentarHjelpemidlerOmfang
Mappeeksamen
Individuell
1 semester
Stått eller ikkje stått
100
Studenten skal levere ei digital vurderingsmappe som inneheld dei to obligatoriske mappeoppgåvene frå semesteret.
Alle
Godkjent av: 
Arne Myklebust