Dette emnet skal gi studentane omfattande innsikt og kompetanse i grunnleggande spørsmål som gjeld inkludering og spesialpedagogisk hjelp. Emnet tek føre seg samanhengar mellom leiing, åtferd og læringsmiljø. Forholdet mellom intensjonar i styringsdokument og utøving av praksis står sentralt.  

Emnet vektlegg kompetanse i å skape vilkår for eit inkluderande læringsmiljø i barnehagen gjennom tilpassing for barn med ulike føresetnadar for læring. Sentralt i studiet er kunnskap om å legge til rette for eit tilbod av høg kvalitet for barn som treng spesialpedagogisk hjelp. Emnet tek også føre seg korleis leiing og åtferd påverkar læringsmiljøet og det psykososiale miljøet i barnehagen. Tematikken blir sett på ut frå både eit individ- og systemperspektiv. Kunnskap om endringsarbeid er også sentralt 

Studiet inneheld ulike teoretiske innfallsvinklar til det spesialpedagogiske området og vert kjenneteikna av ei vid tilnærming til inkludering og tidleg innsats, med mål om at studentane utviklar evne til kritisk og analytisk tenking i barnehagen. Kunnskap om samarbeid med heimen og tverrprofesjonelt arbeid inngår i studiet. 

Utdanninga retter seg mot tilsette i barnehage som har relevant bachelorutdanning og som ønsker å utvikle eigen kompetanse i fagfeltet.