Doktoravhandlinga Fidelity Matters utgjeva ved HVO
- I over hundre år har menneska omgitt seg med snakking på radio, musikk frå plate, telefonsamtalar, film- og fjernsynslyd, etc. Mediert lyd er ein viktig faktor i kultur- og kvardagslivet på grunn av sin emosjonelle appell, store tilgjengelegheit og låge offentlege profil.
Cand. philol. Lars Nyre frå Voss, disputerte laurdag 31. mai 2003 for dr.art-graden ved Universitetet i Bergen med avhandlinga: "Fidelity Matters. Sound Media and Realism in the 20th Century". Avhandlinga er utgjeve ved Høgskulen i Volda, der Lars Nyre er knytt til Avdeling for Mediefag.
Lyd i media
Lars Nyre har skrive ei breitt anlagt historie om dei teknologiske og sosiale prosessane som inngår i lydleg kommunikasjonen. Han skildrar ei viss kjensle av verkelegheit som journalistar og produsentar i lydmedier alltid har forsøkt å skapa. Fokuset på lyd gjorde at stemmer, personleg nærvere og musikk vart sentrale verkemiddel i offentlegheita, og sterke kjensler av identifikasjon og sosialt fellesskap oppstod. Desse stemningane er teknologisk og retorisk oppbygde, noko Nyre analyserer i historie og notid.
Fidelity Matters kviler på førtifire eksempel frå plateindustri og radiodrift gjennom århundret (vedlagt på CD). Her er Enrico Caruso frå 1901 og Harry Brandelius frå 1938, skuleradio frå Voss i 1934 og Bing Crosby i the Kraft Music Hall i 1943, amerikansk psykedelia og technopop, Margrete Holt i Trondheim og Dr. Joy i New York. Nyre legg mindre vekt på nasjonale og sosialhistoriske forhold enn på det teknologiske og retoriske handverket for lyd. Nyre sitt viktigaste ærend er imidlertid å forstå den djupe eksistensielle rolla som mediert lyd har i folk sine liv.
Lars Nyre (født 1969) er frå Voss. Frå hausten 2003 vert Nyre postdoktor ved UiB med finansiering frå Norges forskingsråd.
Etter at han har skreve ferdig doktoravhandling om lyd i media, har han sunge ut om «lissomkoselige» programleiarar og respektlause programkonsept. Nyre er vorten radiorevolusjonær.