Forskingsdagane: Vellukka seminar om samspel og kommunikasjon i jazzimprovisasjon

For fleire bilde av jazzseminaret og andre arrangement under Forskingsdagane 2014, sjå høgskulen sitt Facebook-album.

Under Forskingsdagane 2014 arrangerte Høgskulen i Volda i samarbeid med Jazzklubben Volda Ørsta eit jazzseminar i den nye Konsertsalen i Henrik Kaarstad-huset.

PhD-kandidat Stein Helge Solstad viste under seminaret både praktisk og teoretisk korleis jazzmusikarar organiserer kunnskapen sin i små einingar (chunks) som dei kombinerer på ulike vis avhengig av situasjon. Seminaret fokuserte særleg på jazzimprovisasjon som erfaringsbasert ekspertise som krev innsikt på både instrument og i forhold til jazztradisjon. Fleire av desse momenta kan ein og knyte opp til kognitiv psykologi.

Samspelgruppa i musikk, dans og drama (3MU) ved Volda vidaregåande skule tok del under arrangementet på ein imponerande måte.