Høgskulen med i prosjekt om lokal klimaplanlegging

Tekst: Webmaster Volda

15. mai 2009 - Oppdatert 15. mai 2009

Høgskulen i Volda (HVO) har stått sentralt i samarbeidsprosjektet Lokal klimaplanlegging.

Prosjektet har strekt seg over ein periode på 1,5 år og hatt eit todelt siktemål:

utviking av konsept for lokal klimaplanlegging i samarbeid med 9 pilotkommunar på Sunnmøre/Nordfjord
utvikling av eit nytt vidareutdanningstilbod i lokal klimaplanlegging knytt til mastergradsutdanninga i samfunnsplanlegging og leiing

I dei ni kommunane på Søre Sunnmøre og i Nordfjord har innsatsen vore retta mot utvikling av lokale klimaplanar. I kvar kommune er det utarbeidd planutkast som no skal handsamast politisk og sendast ut på høyring.

Dette arbeidet har inngått som del av eit større utviklingsprosjekt knytt til kommunal klimaplanlegging, og vart avslutta med eit seminar ved Høgskulen i Volda 22. april. Søkelyset vart m.a. her retta mot dei utfordringane kommunane står overfor i samband med praktisk oppfølging og gjennomføring av ulike typar klimaplantiltak.

I prosjektet har ein søkt å skape lokalt engasjement kring klimaspørsmål fordi dette vil kunne vere med å sikre planane forankring og legitimitet. Som ein del av planprosessen har det m.a. vore lagt opp til faglege fellesseminar mellom deltakarkommunane, kommunevise gruppemøte, presentasjon i formannskap og kommunestyre, folkemøte og barnehagekonkurranse.

Oppsummering av første del

Første del av prosjektet er no inne i avsluttingsfasen. I samband med dette er prosjektgruppa med representantar frå HVO, Møreforsking, Enøk-senteret, Tussa og VØR samla til eit avsluttande oppsummeringsmøte fredag 15. mai på HVO.

2b5a782047e762172b3c18d2e5a755d398e4d9db