HVO lyser ut professorstipend

Høgskulen i Volda ønskjer å styrke rekrutteringa til toppstillingar og lyser difor ut 1-2 professorstipend. Dette er ei prøveordning som kan bli forlenga og utvida om erfaringane med ordninga tilseier det. Stipenda vert lyste ut internt.

Brev med fullstendig utlysing av stipenda.

Professorstipenda følgjer vilkåra som er sett for 5-årige doktorgradsstipend. Det vil seie at dei som får professorstipend får 50 prosent arbeidstid til å forske over ein periode på 4 år og i tillegg to FoU-stipend, altså til saman tre år på fulltid. Dei som går inn i professorstipenda får også driftsmidlar med same beløp som doktorgradsstudentar.

I Høgskulen i Voldas strategiplan for FoU er det eit prioritert mål å få fleire kvinner inn i toppstillingar. Kvinner vert difor særskilt oppmoda til å søkje på professorstipend.

Send kort søknad på professorstipend innan 1. oktober 2013. Ettersend fullstendig søknad og vedlegg innan 1. november 2013. Søknader skal sendast elektronisk til postmottak@hivolda.no og samtidig til FoU-administrasjonen: FoU@hivolda.no.

Forskingsutvalet tildeler stipenda på bakgrunn av faglege kommisjonsvurderingar. Stipendmottakarar tek til i stipendperioden etter avtale.

For spørsmål om stipenda ta kontakt med FoU-rådgivar Johann Roppen på e-post: FoU@hivolda.no .