HVO toppar statistikkar
Dekanane Aud Folkestad og Ketil Jarl Halse peikar i kronikken mellom anna på at Høgskulen i Volda (HVO) si driftsform, nærleik til studentane, det interne faglege fellesskapet og høgskulen sitt samarbeid med regionen representerer verdiar som gjer at HVO lukkast så godt som han gjer.
Litt om Høgskulen i Volda:
- Er den største høgskulen i Møre og Romsdal med 3900 studentar og 350 tilsette
- Høgskulen i Volda har 25 professorar, noko som er godt over snittet for dei statlege høgskulane.
- Ved HVO blir 13 % av det faglege arbeidet gjort av tilsette med professorkompetanse. Landsgjennomsnittet er 9 %.
- HVO er blant dei topp 7 statlege høgskulane når det gjeld fagleg produksjon og publisering
- HVO produserte rekordmange doktorar i 2013. Les meir om doktorgradsprosjekt ved HVO. Forskingsmeldinga 2013.
- HVO har 1200 studentar på deltidsstudium. Over 1000 er knytt til reine nettstudium. Dette plasserer HVO i det øvste sjiktet blant høgskulane i landet.
- HVO tilbyr seks mastergrader og 18 bachelorgrader
- HVO har i lag med Høgskulen i Molde søkt om å få starte doktorgradsstudium i helse- og sosial
- HVO er blant dei beste høgskulane i landet på internasjonalisering
- HVO er best i Noreg på «gjennomstrøyming» av studentar i treårige løp. I Volda gjennomfører bachelorstudentane studia sine på normert tid i større grad enn studentane ved andre høgskular og universitet. I Volda gjennomfører 63 %. Landsgjennomsnitt er 43 %, og for eksempel ved Universitetet i Oslo gjennomfører 29,5 %
- Tilstandsrapporten frå Kunnskapsdepartementet i 2013 viser at HVO er billeg i drift. HVO får 116.000 kr per studiepoeng, medan landsgjennomsnittet ligg på 135.000. Med dette er HVO ein av dei tre mest kostnadseffektive i høgskulegruppa.