Katrin Lunde har disputert ved NTNU

Katrin Lunde (i midten) disputerte ved NTNU. Foto: NTNU

Emnet for avhandlinga er koordinasjon under setningsnivå i tysk, nærare bestemt spørsmålet om i kva grad koordinerte ledd har same syntaktiske funksjon. Språkvitskapleg teori har på dette punktet ikkje vore i samsvar med det som røynleg finst i språket. Framlegget som i avhandlinga blir presentert som svar på dette spørsmålet, byggjer på nyare innsikter i kognitiv psykologi om at språklege uttrykk viser til mentale modellar eller persept som eksisterer i eit mentalt eller konseptuelt rom – med dei vidtrekkjande konsekvensar dette har for modellering av meining, og for forståinga av språkstrukturar.   

Katrin Lunde er tilsett ved Ivar Aasen-instituttet for språk og litteratur, Avdeling for humanistiske fag og lærarutdanning, Høgskulen i Volda.

På heimesida til NTNU finn du meir informasjon om disputasen og avhandlinga til Katrin Lunde.