Millionprosjekt til Møreforsking Volda
Jørgen Amdam er leiar for prosjektet, som involverer omlag like mange forskarar på Møreforsking Volda som på Høgskulen i Volda.
Prosjektet er av typen Strategisk Instituttprosjekt (SIP) og har som føremål å styrke og vidareutvikle fagleg sterke forskingsgrupper i instituttsektoren.
- Dette er både ei fagleg anerkjenning av arbeidet som har vorte gjort innanfor forskingsområdet kommunikativ planlegging og dessutan at Møreforsking Volda har drive første delen av prosjektet på ein god måte, seier forskingsleiar Johann Roppen i ein kommentar.