Naturfaga i skule og samfunn
Siste året har det gått føre seg ein viktig diskusjon om kvaliteten på skule og utdanning. Ei side ved denne diskusjonen har dreia seg om naturfaga sin plass i skulen og samfunnet. Ein av initiativtakarane til debatten var sunnmøringen Jon Hustad med boka "Skolen som forsvann: eit essay om krisa i den norske skolen", frå 2002. Det har m.a. arta seg som ein sterk kritikk av den reformpedagogikken som han hevdar har rådd grunnen dei siste tiåra. Det er truleg ein for snever kritikk. Ein må truleg trekke inn forhold utanom skulen for å forstå problemet.