Ny bok om organisasjons- og samfunnsutvikling

I boka formidlar dei to forfattarane resultat av omfattande nasjonal og internasjonal forsking innafor regionalt plan- og utviklingsarbeid. Utgangspunktet for boka er den nye regionalpolitikken som prøver å sameine ovafrå-ned-politikk (omfordeling) med nedafrå-opp- politikk (innovasjon), og der forventinga er at regionar skal framstå som sjølvstendige politiske aktørar.

Forfattarane presenterer det formelle grunnlaget for regional planlegging og identifiserer kva som kjenneteiknar område med positiv regional utvikling. Dei drøftar korleis ulike planleggingsteoriar kan utfylle kvarandre og brukast som reiskap i dynamisk plan- og utviklingsarbeid. Til slutt formidlar dei erfaringar med Dugnadsmetoden som reiskap i eit slikt arbeid.

Ein gjennomgåande bodskap i boka er at den kommunikative rasjonaliteten (samtalar) må dominere over den instrumentelle rasjonaliteten (kalkylar) dersom politikk for å fremme regional dynamikk skal vere effektiv. I søkinga etter løysingar for å gi den kommunikative rasjonaliteten den nødvendige plassen i den regionale planlegginga, let forfattarane seg inspirere av Habermas sin modell om politisk viljesdanning basert på ideelle diskursar.



Jørgen Amdam (fødd 1945) er professor dr. scient.




Roar Amdam (fødd 1951) er førsteamanuensis dr agric.





Begge et tilsette ved Institutt for kommunalfag ved Høgskulen i Volda og underviser på Norge sitt einaste mastergradsstudium i samfunnsplanlegging.

ISBN 82-521-5601-0
Det Norske Samlaget