Ny lærebok i livssynskunnskap

No ligg ho altså føre i ny, omarbeidd og utvida utgåve.

Om boka
Livssyn er ei allmenn grunnbok i livssynskunnskap. Boka kom først ut i 1982, vart revidert første gongen i 1992, og kjem altså no på nytt, denne gongen grundig revidert og oppdatert.

Framstillinga kviler på ei fagforståing der ordet ”livssyn” ikkje berre er reservert for såkalla ”verdslege livssyn”, men der det set namn på eit sentralt element også i religionar og ideologiar.

Forfattaren presenterer dei viktigaste livssynstradisjonane som gjer seg gjeldande i dag, først kristendommen, så dei sekulære livssynsperspektiva humanisme og naturalisme, og til sist nokre nyreligiøse perspektiv. Livssynsfenomenet blir diskutert og sett i lys av både historisk utvikling og aktuelle samfunnsforhold.

Boka er særleg aktuell i lærarutdanning og universitetsstudier innanfor kristendoms-, religions- og livssynskunnskap, men vil også kunna høva for ulike profesjonsstudier, der ein treng ei elementær innføring om ulike livssyn, menneskesyn og etiske perspektiv.



Per M. Aadnanes (f. 1944) er mag.art. i idéhistorie og dr. philos. på ei avhandling om New Age. Han er professor i systematisk teologi ved Høgskulen i Volda.