Seminar i Forum for livsløpsforsking: Utfordringar i kvalitativ livsløpsforsking

Professor Helgeland har i mange år studert unge som har alvorlege åtferdsvanskar og deira møte med det norske velferdsapparatet. I samband med dette har ho følgt dei unge over tid og studert tema som t.d. deltaking og formyndarskap, barnevernsbarn og fattigdom og unge med vanskeleg oppvekst som blir fedrar og mødrer. Ho har omfattande vitskapleg publisering på dette feltet om vanskelegstilt og sårbar ungdom. Helgeland er også norsk representant i eit sentralt forskarnettverk for livsløpsforsking, Society for Longitudinal and Life course Studies. Nettverkethar både store kvantitative studiar (av nasjonale fødselskohortar) og kvalitative studiar av  liv og livshistorier på dagsordenen på sine årlege konferansar.

På dette seminaret tar ho opp utfordringar i livsløpsforskinga når design og metodar er innretta mot kvalitative analysar av liv og livsmeining for vanskelegstilte unge og unge vaksne.

Etter førelesinga er det lagt opp til ei kortare økt med kommentarar, spørsmål og diskusjon.

Seminaret er ope for tilsette, masterstudentar og doktorgradsstudentar ved avdelingane på høgskulen.

Tid: Tysdag 9. desember, kl. 0915 - 1200.

Stad: Strøm 245.