Siv Måseidvåg Gamlem har disputert ved Universitetet i Stavanger

Gamlem har funne at kvaliteten i munnlige tilbakemeldingar mellom lærar og elevar i klasserommet er gjennomsnittleg låg når det gjeld fagleg støtte og til dels høg når det gjeld sosialpedagogisk/emosjonell støtte.

Elevar verdset tilbakemeldingar som kan støtte dei i fagleg arbeid og dei ønskjer meir av dette i skulekvardagen, viser Gamlem.

Forskinga kan få betyding for skular sitt arbeid med undervisnings- og tilbakemeldingspraksis og er eit signal til politikarar og lærarutdanningsinstitusjonar om at det er behov for å styrke lærarar og elevar sin kompetanse på tilbakemelding.

Hovudrettleiar for doktorgradsarbeidet har vore professor og dekan ved Det humanistiske fakultet ved Universitetet i Stavanger (UiS), Elaine Munthe. Medrettleiar har vore Kari Smith, professor ved Universitetet i Bergen.

Mads Hermansen, professor emeritus ved Nordic School of Public Health, Göteborg,Sverige, Torill Moen, professor ved Pedagogisk institutt, NTNU og Nina Helgevold, førsteamanuensis ved Institutt for grunnskolelærerutdanning, idrett og spesialpedagogikk (IGIS) ved UiS var med i Bedømmingskomitéen.

Disputasen vart leia av Elin Thuen, instituttleiar ved Institutt for grunnskolelærerutdanning, idrett og spesialpedagogikk ved UiS.

Prøveforelesinga sitt tildelte emne var «Hvordan påvirkes tilbakemelding (feedback) av personlighetstrekk (eksempelvis slik de beskrives i Big Five) eller av kognitiv stil (eksempelvis slik de beskrives i Robert Sternbergs stilteori)?»

Les meir:

• Universitetet i Bergen, intervju med Siv Gamlem Måseidvåg
• Universitetet i Stavanger om disputasen og avhandlinga til Siv Måseidvåg Gamlem
• Meir om forsking og utvikling ved Høgskulen i Volda