Utviklar PC-spel for astmapasientar

- Ved å kombinere leik og moro med pedagogiske oppgåver vonar vi at brukarane vil tileigne seg kunnskapar som gjer det lettare å leve med sjukdomen, seier prosjektansvarleg Reidulf Botn ved Avdeling for mediefag.

Reidulf Botn (HVO) og Jan Ole Bolsø (KPI)

Ane og Bronky

Spelet er basert på boka ”Ane og Bronky - i farta!”, ei barnebok med fleire frittståande historier om Ane og andre born som lever med og meistrer astma. Boka er publisert avNasjonal Plan for Astma Skoler (NPAS) som også har fine nettsider for barn og unge. Animasjonen er laga av ørstingen Eigil Halse, og illustrasjonane er teikna av Tiina Mãnd i Volda. Som pedagogisk konsulent har Bolsø og Botn fått med seg Sonja Ryjord, som også er klasseforstandar for 4A ved Bratteberg skule i Volda.

Lærar Sonja Ryjord har vore pedagogisk konulent i arbeidet.

Kjempebra

- Dette var eit kjempebra spel, jublar Hallvard. Han og Christian er samde om at snowboard-modulen var fartsfylt og spennande. I ei bratt utforløype gjeld det nemleg å unngå å kollidere med saker og ting som kan irritere luftvegane og utløyse t. d. astmaanfall.

Christian og Hallvard er tydlegvis godt nøgde.

- Spelet er konstruert slik at fleire kan spele i lag. Slik kan både familie og vener vere med og lære noko samtidig som ein har det kjekt i lag, seier Jan Ole Bolsø ved KPI.