Vellukka rettleiingskonferanse
Tema for årets konferanse var forskingsrettleiing på bachelor-, mastergrad og Ph-D-nivå. Lotte Rienecker og Peter Stray-Jørgensen, begge universitetspedagogar ved Center for Undervisningsutvikling og Digitale Medier, Aarhus universitet var hovudførelesarar. Rienecker og Stray-Jørgensen har lang erfaring frå arbeid med rettleiing av mastergradsstudentar, med utvikling av forskarskulekurs for både stipendiatar og rettleiiarar, rettleiingsakkrediteringskurs og universitetspedagogikk mellom anna frå Københavns Universitet. Saman har dei og skrive bøker om akademisk skriving og rettlleiing; mellom anna Den gode opgave (2012) og Vejledning – en brugsbok for opgave- og specialvejledere på videregående uddannelser (2005). Konferansen var svært vellukka, seier førstelektor Bente Vatne, som var fagleg ansvarleg for konferansen saman med dosent Ingrid Fosssøy (HiSF) og Elin Eriksen Ødegaard (HiB). Det var høg grad av deltakaraktivitet på konferansen med engasjerte diskusjonar om vurdering av tekster på bachelor-, mastergrad og Ph-D-nivå. Konferansen vert arrangert annankvart år og om to år er det Universitet i Nordland som skal står som arrangørar.