Stor interesse for naturguideutdanninga
Ei sak om det nye studietilbodet har på få dagar nådd over 96 000 på Facebook.
– Hittil har 1208 har klikka seg inn på kampanjesida på hivolda.no berre frå Facebook. 459 har likt innlegget, 19 har kommentert det og 27 har delt, seier Rasmussen fornøgd.
– Totalt har kampanjesida for naturguideutdanninga hatt 2223 treff sidan den kom opp for vel ei veke sidan, seier Tone Solhaug og Ann Karene Rasmussen ved informasjonskontoret.
Om utdanninga
Studiet i naturguideutdanning har fokus på guiding frå hav til fjell, på nye teoriområde innanfor reiseliv, og gjesten sitt perspektiv. I studiet lærer ein om guiding både i sommarhalvåret og i vinterhalvåret i ulike naturtypar. Studiet har fokus på guidearbeid i norsk fjordlandskap, med spesiell vinkling på lokalgeografi, lokalhistorie og lokale naturbrukstradisjonar. Studiet har også vekt på reiseliv, opplevingspsykologi og forståing for at vi arbeider med menneske som står i relasjon til andre menneske, tryggleiksmessig og sosialt.
Stor søking til studietilboda innan idrett og friluftsliv ved Høgskulen i Volda.