Internasjonal dag ved Høgskulen i Volda
- Høgskulen i Volda har ein intensjon om at minst 10 % av studentmassen vår skal vere ute i verda til ein kvar tid. I fjor vår var i underkant av 1 % ute, i haust steg talet til 3 % og aukinga vil garantert halde fram, fortel internasjonal koordinator, Cecilie Wilhelmsen. Ho inviterer til internasjonal dag fredag 16. januar.
- Dette vårsemesteret sender vi m.a. studentar til Thailand, New Zealand og Beijing. Reisemåla er nesten uendelege, fortel Wilhelmsen. Ho oppmodar alle som har lyst ut til å kome og høyre om mogelegheitene på internasjonal dag 16.januar klokka 12.15 ved Høgskulen i Volda i Berte Kanutte-huset, Store auditorium.
- Vi vil høyre forteljingar om spennande opplevingar, erfaringar og gode råd frå både studentar som har vore ute og studentar som er på veg ut. Studentar har nytte av å høyre erfaringane andre har gjort, i tillegg vil utanlandske studentar fortelje om korleis dei opplever det å vere student i Volda, seier Cecilie Wilhelmsen.
Programmet er elles lagt opp med innslag frå Statens Lånekasse og International Education Center (IEC), ein av dei største formidlarar av studieplassar på den internasjonale arenaen.
