Nynorsksenteret: Arbeidsseminar om «Å skrive for ulike føremål»
Nynorsksenteret har mange samarbeidsskular som får støtte til gjennomføring av prosjekt i nynorskopplæring i grunnutdanning. Det er til ei kvar tid Utdanningsdirektoratet som legg retningslinjer for kva område Nynorsksenteret skal prioritere i Utdannings-Noreg.
På denne samlinga kjem kring førti representantar frå heile landet knytt tre ulike FoU-prosjekt: bokmålsskular som nyttar nynorske læringsressursar i andre fag enn norsk, nynorskskular som driv skrivetrening på tvers av fag og nynorske leseprosjekt i bokmålsskular. Målet er mellom anna å auke lese- og skrivekompetansen i skulen.
Marianne Ødegaard har innlegget «Forskerføtter og leserøtter», med undertittel Gjer det! Sei det! Les det! Skriv det! Ho jobbar til dagleg ved Naturfagsenteret og tek utgangspunkt i lesing og skriving av ulike fagtekstar.
Under tittelen «Tenkjeskriving og presentasjonsskriving» tek Torlaug Løkensgard Hoel frå NTNU i Trondheim for seg skriving som grunnlag for dokumentasjon og refleksjon i FoU-arbeidet.
Aktuelle lenkjer:
Oversikt over FoU-arbeidet ved Nynorsksenteret 
Program for seminaret
Torlaug Løkensgard Hoel
Marianne Ødegaard