Nytt deltidsstudium hausten 2005:<br>Tysk i skulen 30 stp – vidareutdanning for lærarar
2. framandspråk inngår som eit av dei mest prioriterte satsingsområde i den nye skulereforma Kunnskapsløftet. På ungdomstrinnet skal det innførast 2. framandspråk som eit obligatorisk, praktisk fag frå hausten 2006.
- For Høgskulen i Volda vil vårt tilbod i 2. framandspråk vere tysk og vi vil frå hausten 2005 tilby studiet Tysk i skulen 30 stp, seier prosjektleiar Oddbjørn Nes ved Kontor for etter- og vidareutdanning, Høgskulen i Volda.
Studiet Tysk i skulen er først og fremst retta mot lærarar i grunnskulen som underviser eller ønskjer å undervise i tysk som andre framandspråk. Studiet skal auke den språklege og interkulturelle kompetansen til å undervise tysk etter dei nye læreplanane frå 2006.
Moderne litteratur og autentiske tekster om aktuelle samfunnsproblem som er relevant i skulen, vil danne det vesentlege grunnlaget for undervisninga.
