Over 60 voldastudentar gav ski- og friluftskurs til utviklingshemma
Det er samla om lag 300 personar til ski- og friluftskurs i veke 13. Kursa er spesielt tilrettelagt for utviklingshemma med 106 kursdeltakarar frå heile Møre og Romsdal. Instruktørar er studentar frå Høgskulen i Volda og Møre Folkehøgskule.
Kurset er frå måndag til fredag med ei meng aktivitetar. For HVO studentane der dette ein del av obligatoriske praksis. Aktivitetane er alpint, telemark, langrenn, turar i skog og mark, snørafting, hundespann med meir. Instruktørar er 50studentar frå Idrett, 10 frå Erasport (idrettsemne for Erasmus studentar) og 6 Media, IKT og design (MID) studentar. I tillegg kjem 31 elevar frå Møre Folkehøgskule i Ørsta. MID studentane produserer stoff til nettstaden www.spenningskurset.no
For kursdeltakarane er dette årets høgdepunkt. Dei fleste kjem igjen år etter år. Dette er det 23. året desse kursa vert arrangert. Mange studentane får ei oppleving dei vil hugse for livet.
Tekst høgskulelektor Svein Arnesen
For fleire foto og filmar sjå www.spenningskurset.no
