Hugs å registrere deg innan 1. februar

Alle studentar, både nye og dei i eksisterande studieløp, må registrere seg for nytt semester innan 1. februar. Same dato er det også frist for oppmelding til kontinuasjonseksamen.

Når du registrerer deg som ny student, får du tilgangen du treng for å logge inn i dei ulike systema vi nyttar oss av på høgskulen. Der finn du viktig informasjon som frammøte eller første digitale samling. 

Eksisterande studentar i eit løp må også registrere seg på nytt for vårsemesteret. 

Les meir om registrering og registrer deg her.

Fristen for oppmelding til kontinuasjonseksamen er også innan 1. februar.
Aktive studentar med studierett melder seg i studentweb ved å trykke på "konteknappen".
Studentar utan aktiv studierett må fylle ut dette skjemaet.

Ha eit godt semester alle saman!