HVO-forskarar presenterte om samisk dag i Atlanta

- Undervisning og opplæring om urbefolkning og deira kulturperspektiv er både spennande og viktige å ta med inn i ein internasjonal setting, fordi dette emnet er for det meste er fråverande i mange andre land i både skule og barnehagar, seier førstelektor ved HVO, Kari Ryslett.

Saman med kollega Jan Håkon Vikane var ho nyleg på IFHE XXIV World Congress i Atlanta, USA og presenterte nettopp dette.

Samisk dag ved barnehagelærarutdanninga

- Ein flott, innhaldsrik og tankevekkande verdskongress for fagområdet «Home Econimics», skulefaget Mat og helse i Noreg, med tema "Soaring Towards Sustainable Development", fortel Ryslett. 

Tema var Human & Political System: Best practice in Sustaing Culture Throutout Home Econimics  med tittelen: “Indigenous culture in early childhood education in Norway”, om deira praksis med undervisning i fagområdet Natur, helse og rørsle om gjennomføring samisk dag ved barnehagelærarutdanninga ved Høgskulen i Volda. 

Dette er ei årleg hending ved utdanninga. 

- I Norge er undervisning om vår urbefolking, samane forankra i både læreplanen for grunnskulen og i rammeplanen for barnehagen. Undervisning og opplæring om urbefolkning og deira kulturperspektiv er både spennande og viktige å ta med inn i ein internasjonal setting, fordi dette emnet er for det meste er fråverande i mange andre land i både skule og barnehagar, seier Ryslett engasjert. 

Vitja National Center for Civil and Human Rights

Førstelektoren fortel vidare om opphaldet at Atlanta var ein interessant og flott by. - Det bur 8-9 millionar i storbyområdet. Byen motsette seg raseskilje, og hadde slagordet. "Vi er for travel til å hate". Atlanta var borgerrettane sitt store organisatoriske senter i 1960-åra, med Atlantas viktige borgar Martin Luther King Jr. i spissen. Vi besøkte mellom anna National Center for Civil and Human Rights. Det var eit fantastisk senter med en dyster og grusom historie. Inntrykka var både sterke og opprørande!

På verdskongressens siste dag var tema: «The multiple Realities of Home Economics: A Millennial’s Perception of Diversity, Equality and Inclusion presentert av
Robert van Dyke, tidlegare leder for American Assisiation of Family and Consumer Science. Det gjorde djupt inntrykk på deltakarane frå HVO.

- Han heldt ei kjensleladd Key Note om korleis han ble trakassert og håna fordi han var homofil. Korleis han kunne leie ein organisasjon som omhandla amerikansk home economics sida han var homofil. Vi har framleis ein veg å gå for å oppnå likeverd mellom kjønn, seksualitet, rase og hudfarge, seier Ryslett.