Klar for studier i 2023?
Frå 1. november kan du søke studieplass for vårsemesteret ved Høgskulen i Volda. På lista over studietilbod finn du mellom annan erfaringsbasert master for lærarar, entreprenørskapsstudier og språkfag, samt einaste studium i Helsefag for sosialarbeidarar i Noreg. Sjå alle tilbod og søk no!
Ved Høgskulen i Volda har vi over 50 studium som startar i vårsemesteret, frå januar 2023. Her er tilbod både for deg som er ny student, og for deg som vil bygge på eller ta etter- og vidareutdanning. Det er mogleg å studere både på nett, deltid og fulltid.
- Du kan sjå heile lista over ledige studieplassar og søke her!
Etter- og vidareutdanning for lærarar
Vårsemesteret har mange spanande tilbod for deg som er lærar. Vil du til dømes ta erfaringsbasert master, er våren tida for heiltidsstudium. Vi tilbyr fordjuping innan norsk, engelsk, matematikk og samfunnsfag.
Ønskjer du å meistre nye verktøy i klasserommet enda betre og bli oppdatert på nye medier, har vi fleire knallgode nettstudium til deg: Elevaktive metodar og mediekultur i det digitale klasserommet, Tilpassa opplæring med digitale ressursar og Programmering i skulen.
Starte eiga bedrift?
Lurer du på å starte eiga bedrift? Entreprenørskap i kreative næringar eignar seg spesielt godt for deg som har utdanning innanfor praktiske fagområde knytt til medie- eller kulturfeltet. Her er kravet for å søke plass generell studiekompetanse.
Innan kulturfaga har vi også tilbod om vidareutdanning i Design, kunst og handverk, vidareutdanning i musikk med fordjupingsstudium og vidareutdanning på Bachelor-nivå, samt fordjupingsemne i musikk i dette opptaket.
Populært helsefag – unikt i Noreg
Eit studium vi er åleine om å tilby i Noreg, er Helsefag for sosialarbeidarar. Målgruppa er deg som jobbar med ulike sårbare brukargrupper som både har sosialfaglege og helsefaglege utfordringar, til dømes tilsette i tenesta for funksjonshemma, rehabilitering og eldreomsorg, rus, psykisk helse, einslege, mindreårige asylsøkjarar og flyktningar og ungdom i barnevernsinstitusjon.
På masternivå tilbyr vi vidareutdanninga Meistring og myndiggjering – strukturperspektivet og Tiltak mot rusproblem.
Språk, historie, kultur- og religionsstudier
Vårsemesteret byr på ei rekkje studietilbod innan språk og litteratur på ulike nivå. Her finn du tilbod både for deg som har generell studiekompetanse og deg som er lærar.
Også innan religion, samfunn og kultur er det tilbod på både master- og bachelornivå. Du kan til dømes søke deg plass på opne emne i Religion, kultur og samfunn.
Historiefaga er alltid populære ved Høgskulen i Volda, og i vårsemesteret har du ei rekkje nettstudium å velje mellom, i tillegg til vidareutdanning på masternivå, som er oppmøtebasert.
Undersøkande journalistikk
Har du lyst å drive med gravejournalistikk er vårsemesteret tida for å spesialisere seg. Avdeling for mediefag tilbyr Undersøkande journalistikk, der viktige element er utvikling av idéer og hypoteser, metodiske valg og systematikk i egen research. På masternivå kan du studere Risk communication and issue management.
Populær master for leiarar
Også på institutt for Planlegging og administrasjon er det utlyste tilbod på både bachelor- og masternivå. Ein populær master for leiarar er Offentleg organisering og leiing.
Skal du jobbe med arealplanfaglege oppgåver eller sikter deg inn på ein planorientert master i framtida, kan vi tilrå Innføring i arealplanlegging og GIS.
Studia for vårsemesteret er opne for søking frå 1. november til seinast 5. desember. Dei fleste studia i våropptaket har løpande opptak. Det vil seie at opptaket skjer etter «førstemann til mølla»-prinsippet, og at studietilboda stenger for søking når dei er fullteikna. Du bør difor søke så raskt som mogleg for å vere sikra plass.