Kunstnaropphald hjå Seanse ope for søking
Seanse - senter for kunstproduksjon ved Høgskulen i Volda er einaste i landet som tilbyr kunstnaropphald for prosjekt innan alle kunstsjangrar. Både enkeltkunstnarar og grupper er velkomne til å søke! I år vert samlingane i veke 24, 25, 42 og 43.
Tema, tilnærming(metode) og innhald i kunstuttrykka kan være forskjellige med ulike former for medverknad være seg førestillingar, verkstader eller anna.
I tillegg til at dei vurderer alle type prosjekt er det i 2023 ei særleg oppfordring til kunstnarar i eksil om å søke opphald. Gode fortellingar og kunstnariske uttrykk kan bidra konstruktivt i områder med konflikt og krig. Seanse vil difor støtte kunstnarar som på ulikt vis ønskjer å bidra gjennom sitt arbeid.
Seanse tilbyr:
• Gode arbeidsforhold i eigne lokale på Høgskulen i Volda
• Rettleiing av mentorer med kunstnarisk og barnefagleg kompetanse
• Deltaking i et tverrkunstnarisk kunstnarkollegium
• Honorar, reise og opphald.
• Foto/video
Sidan 2004 har over 794 kunstnarar, nasjonale og internasjonale involvert i 370 produksjonar vore på kunstnaropphald. Seanses mål er å medverke til kvalitetsproduksjonar, kompetanseutvikling og nyskaping innan kunst for og med barn, unge og andre.
Seanse er ein nasjonal utviklingsarena for kunstproduksjon innan alle sjangrar. I tillegg til kunstnaropphald arrangerer vi kunstnartreff, kunstverkstader, konferansar, webinar og ein Småkunstfestival kvart 3. år (barn 0-6 år). Seanse har mange samarbeidspartnarar, og har initiert det internasjonale nettverket ITAC Conferences and Collaborative.
Seanse er støtta av Møre og Romsdal Fylkeskommune, Kulturdirektoratet, Kunnskapsdepartementet og Høgskulen i Volda.
