Nynorsksenteret med ny film
Nynorsksenteret spelar på humor i den nye animasjonsfilmen som presenterer kva dei driv med. Få den med deg her!
Nynorsksenteret (Nasjonalt senter for nynorsk i opplæringa) er eit ressurssenter for nynorsk i skulen og barnehagen som held til ved Høgskulen i Volda (HVO).
Gjennom den nye animasjonsfilmen kan du bli litt betre kjend med dei og kva dei driv med. Ekstra artig er det at er ein tidlegare animasjonsstudent ved HVO – Are Edvardsen – som har laga filmen.
Nynorsksenteret fremjar metodar og arbeidsmåtar som kan motivere og auke kvaliteten på arbeidet med nynorsk i barnehagen og skulen. Nynorsksenteret driv forskingsformidling og praksisnær aktivitet basert på relevant forsking og medverkar til at barnehagar og skular får auka kompetanse til å tolke og ta i bruk rammeplanen og læreplanverket.
Les meir om senteret og få gode råd her.
Prosjektleiar for filmen har vore Arild Torvund Olsen, høgskulelektor ved Nynorsksenteret.
Kristoffer S. Mathisen har laga illustrasjonane.