Velkomen til Kaarstad-festen

Onsdag 16. november markerer Høgskulen i Volda at det på dagen er 100 år sidan Henrik Kaarstad-huset vart vigsla.

Prorektor Odd Helge Mjellem Tonheim ønskjer alle hjerteleg velkomen til opent arrangement med konsert og meir i kantina på Berte Kanutte-huset frå kl. 17.00 – 18.45.

Det blir blant anna helsing frå forskings- og høgare utdanningsminister Ola Borten Moe, litt meir om Kaarstad-huset og festkonsert med Symfoniorkesteret ved Høgskulen i Volda, med mellom anna innslag av kantaten som var skrive til opningsfesten den 16. november i 1922. 

Vel møtt!