Elevar frå vidaregåande besøkte Høgskulen
- Det var spennande å sjå korleis studentlivet kan bli etter vidaregåande, kommenterte elevar frå Herøy vg. skule då dei var på besøk ved Høgskulen i Volda i går. Elevar frå ulike vidaregåande studieretningar fekk ein lærerik rundtur på campus og orientering om dei ulike høgskuleutdanningane i Volda.
Elevane frå Herøy vg. skule fekk seg ein matbit i kantina før dei gjekk ei runde innom avdelingane ved Høgskulen i Volda
- Spesielt kunst og handverksutdanninga var interessant, i tillegg til språk og mediefaga.
- Det er ikkje enkelt for avgangselevane på vidaregåande å bestemme seg for kva retning dei skal velje. Lærar Mattis Nango frå Herøy vg. skule følgde elevane rundt saman med Torill Engeseth frå Informasjonskontoret ved Høgskulen i Volda.
Studentlivet
- Vi besøkte Aasentunet på veg hit til Høgskulen. Etter ein matbit i kantina har mellom anna elevar frå teikning og formgjeving ønske om å sjå innom kunst- og handverk ved lærarutdanninga, fortalde Nango.
- Det er kjekt å korleis studentane har det på ein høgskule, kommenterte elevane.
Valet
Livet på lesesalen, i biblioteket og i forelesningssalane er annleis enn det ein er van med frå vidaregåande. 15. april er det søknadsfrist for opptak ved universitet og høgskular gjennom Samordna opptak.
- Eg lurer på om eg skal jobbe i eit år før eg held fram med studiar, men eg er ikkje sikker, så før søknadsfristen må eg ta eit val, kommenterte ein av elevane frå allmennfagleg studieretning.
