Vellukka rettleiarseminar i Kenya
5. og 6. november 2012 arrangerte Institutt for sosialfag, i samarbeid med partnarorganisasjonen Child Welfare Society of Kenya, rettleiarseminar og workshop i byen Nakuru, Kenya.
I alt 14 kenyanske rettleiarar / sosialarbeidarar, samt leiarar frå ulike partnarinstitusjonar tok del i ein vellukka workshop saman med høgskulelektorane Jan Einar Flø og Ingun Klepp og i alt 18 studentar frå barnevernspedagog – og sosionomutdanninga i Volda. Hovudfokus for seminaret var relasjonen rettleiar – student i eit krysskulturelt perspektiv. I år har sosialarbeidarutdanninga i Volda i alt 19 studentar utplassert i Kenya under det 14 vekers lange klientretta praksisstudiet.
