Kunstig intelligens i praksis - vidareutdanning
Studiet retter seg mot deg som ønsker å lære om kunstig intelligens (KI) og korleis KI påverkar samfunn og næringsliv. Alle organisasjonar må vurdere korleis KI kan påverke og brukast både i dag og i framtida, og i dette studiet vil du få ei grunnleggande innføring i KI. Det vert lagt vekt på å gi deg ei tidsriktig forståing som vil sette deg i stand til å gjennomføre ei slik vurdering, utan å krevje ei teknisk fagbakgrunn. Du vil lære om korleis KI kan verte brukt i ulike sektorar og korleis du kan delta og administrere utvikling og implementering av KI-løysingar.
Sentrale konsept innanfor kunstig intelligens blir introdusert og studiet tar opp tema som maskinlæring, vurdering av KI, og implementering av KI. Studiet av-mystifiserer KI ved å fokusere på konsept, bruk og konsekvensar utan å krevje djup teknisk bakgrunn. Studentane vil utforske korleis KI forvandlar ulike sektorar, og vil diskutere dei etiske, sosiale og økonomiske følgjene av KI-teknologiar.
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram (eller utdanning?)
Studenten skal ha
- kunnskap om grunnleggande konsept innan KI
- kunnskap om korleis data kan påverke KI
- kunnskap om risiko ved bruk av KI
- kjennskap til rammeverk og verktøy for KI
Studenten skal kunne
- lage eigne KI-modellar.
- gjere ideutvikling og vurderingar som gir grunnlag for KI-prosjekt som kan bli gjennomførte
- gjennomføre KI-prosjekt frå ide til vedlikehald
- identifisere relevante data og bruke dei effektivt i KI-prosjekt
- reflektere over eiga fagleg utvikling
- utforske meir komplekse KI-modellar og reelle datasett
Studenten
- skal kunne vurdere og analysere hensiktsmessig bruk av kunstig intelligens
- kunne planlegge og gjennomføre prosjekt som strekker seg over tid
- ha innsikt i relevante faglege og yrkesetiske problemstillingar
- kunne evaluere og analysere eige og andre sitt arbeid
Studiet er samlingsbasert ved Høgskulen i Volda. Undervisninga kan bestå av, forelesingar, øvingar og gruppeaktivitetar, analyse av reelle case-studiar, gjesteforelesingar og sjølvstendig arbeid.
I tillegg til forelesingar blir det gitt rettleiing i samband med arbeidsoppgåver som skal løysast individuelt og i grupper. Læringsutbytte blir ivaretatt gjennom studentaktive læringsformer og vurderingsformer som legg vekt på fagleg refleksjon. Aktuelle arbeidsformer er litteraturstudium, klasseundervisning, ulike studentaktive undervisningsformer, rettleiing, praksis, skriftleg arbeid og eventuelle prosjektarbeid.
Foreslått progresjon i studiet er 10 studiepoeng kvart semester.
Dei to emna data for kunstig intelligens og maskinlæring vil handle om praktisk implementasjon av KI. For studentar som berre vil ha eit ikkje-teknisk overblikk over fagfeltet, og ikkje ønsker å ta heile studieprogrammet, kan det vere aktuelt å berre ta dei to emna innføring i kunstig intelligens og vurdering av kunstig intelligens.
| Emne | 2025 Haust | 2026 Vår |
|---|---|---|
| 5 | ||
| 5 | ||
| 5 | ||
| 5 | ||
| Sum (20 total) | 10 | 10 |
Bruk av digitale verktøy er ein viktig del av emnet. Studentane må ha tilgang på berbar-PC og kunne installere program på denne. Studentane skal bruke tilgjengeleg programvare og ressurssider på internett for løysing av oppgåver og for å tileigne seg kunnskap innanfor emnet.
Studiet vert evaluert i samsvar med HVO sitt kvalitetssystem.