Livslang læring med Høgskulen i Volda
Vi sluttar aldri å lære, og bra er det! Vi skal gjere det enkelt for deg å ta utdanninga du ønskjer deg, uavhengig av livssituasjon og jobbkvardag.
Kombiner studium med jobb
Høgskulen i Volda jobbar med å legge til rette for livslang læring med høg fagleg kvalitet og stor fleksibilitet i organisering og gjennomføring. Fleksible studieformer gjer det mogleg for deg å kombinere studium og arbeid eller andre aktivitetar. I tillegg til å studere på heiltid, kan du velje nettstudium, studere på deltid eller samlingsbasert.
Vidareutdanning for lærarar
Ved Høgskulen i Volda er vidareutdanning for lærarar og barnehagelærarar ei kjerneverksemd! Vi har utdanna lærarar i meir enn 150 år, og det er vi gode på. Hos oss får du unik praksis, teknologi i undervisninga og blikk på framtidas klasserom og barnehagar.
