Kva er animasjon? Kva er det som kjenneteiknar animasjon, og som skil det frå andre kunstformer? Og kva moglegheiter har me med animasjon, som me ikkje har med andre uttrykksformer? Dette emnet handlar om å stilla og drøfta grunnleggjande spørsmål om animasjon. Studentane får ei innføring i animasjonsvitskap som fagfelt og blir kjend med nokre av dets teoretiske omgrep. Emnet fungerer også som ei innføring i akademisk tenking, skriving og lesing. Hovudmålet med emnet er å drøfta kva som kjenneteiknar animasjon og dets potensial, trena studentane i kritisk tenking, og å gi ein vitskapleg grunninnføring i korleis ein kan utforska animasjon som fenomen.