Semestre
KOH131 Visuell kommunikasjon
Ingen
Visuell kommunikasjon er eit obligatorisk emne i studieprogrammet Bachelor i Kunst og handverk.
Sentralt i emnet står arbeid med todimensjonal form, og digitale verkty. Det vert lagt vekt på visuell grammatikk, der kunnskap om form, farge og teikn er ein viktig del av undervisninga. Studenten utviklar grunnleggjande forståing for visuell kommunikasjon, og korleis ein nyttar dette i eige skapande arbeid.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
- har kunnskap om ulike reiskapar og teknikkar i arbeid med visuell kommunikasjon
- har kunnskap om digitale verkty i arbeid med visuell kommunikasjon
- har kunnskap om visuell grammatikk og fargelære
- har kunnskap om ideutvikling og skissearbeid som del av ein kreativ prosess
- har kunnskap om bodskap og kommunikasjonsprosessar
- har kunnskap om ulike visuelle uttrykksformer
Studenten:
- kan vurdere bruk av ulike verkty og teknikkar i eige og andre sitt arbeid
- kan bruke og vurdere visuell grammatikk og fargelære i eige skapande arbeid
- kan jobbe bevisst med ideutvikling og skissearbeid som del av ein kreativ prosess
- kan jobbe bevisst med bodskap og kommunikasjon i eige skapande arbeid
- kan vurdere ulike visuelle uttrykksformer
Studenten:
- har innsikt i og forståing for visuell kommunikasjon i det moderne samfunn
- har innsikt i korleis verkty og teknikkar påverkar den visuelle kommunikasjonen
Undervisningsformene er ein kombinasjon av førelesing, individuell oppgåveløysing og sjølvstudium. Studentar får prosessevalueringar i arbeidsøktene og i framleggingssituasjonar. Studentar som er borte frå undervisninga har sjølve ansvar for å orientere seg om det som gjekk føre seg i deira fråvær.
Anna som vedkjem gjennomføringa av emnet: Det er forventa at studenten har elementær datakunnskap.
Det er obligatorisk oppmøte til alle organiserte læringsaktivitetar, jamfør Forskrift om opptak, studium og eksamen ved Høgskulen i Volda. Med deltaking meinar ein at studentane skal arbeide med oppgåveløysning slik at lærar og medstudentar kan få innsyn i læringsprosessane.
Arbeidskrav:
- praktiske oppgåver lagt fram i plenum
- ein skriftleg refleksjon på omlag 800 ord, levert til fastsett tid.
Emnet vert evaluert i samsvar med HVO sitt kvalitetssikringssystem.
Studentane betaler ei materialavgift på kr 300 til innkjøp av fellesmateriale. I tillegg må kvar student pårekne kjøp av litt reiskap/utstyr.
- Design, kunst og handverk - årsstudium
- Design, kunst og handverk - bachelor
- Design, kunst og handverk vidareutdanning
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 semester | A-F, der A er best og E er siste ståkarakter | Ei mappe som består av praktiske oppgåver med skriftleg refleksjon. Etter innlevering blir to av oppgåvene trekt ut til vurdering. |