Semestre
KOH132 Inn i arkitekturen
Ingen
Inn i arkitekturen er eit obligatorisk emne i studieprogrammet Bachelor i design, kunst og handverk. Studenten utviklar grunnleggjande innsikt i, og forståing for, det fysiske nærmiljøet, lokal arkitektur og byggeskikk, og tek dette i bruk i eige skapande arbeid. I emnet vil studenten reflektere over korleis arkitektur kan opplevast og diskuterast, i fortid og notid.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
- har brei kunnskap om korleis arkitektur verkar inn på oss i private og offentlege rom
- har brei kunnskap om konstruksjonar og materialtekniske forhold innan fagområdet arkitektur
- har kunnskap om idéutvikling og skissearbeid som del av ein designprosess
- har kunnskap om arkitekturanalyse
- har kunnskap om korleis arkitektteikningar, modellar og digitale presentasjonar vert laga og presentert
- har kjennskap til fagtradisjonar, og fagområdet sin plass i skule og samfunn.
Studenten:
- kan vurdere og reflektere over korleis arkitektur skaper rammer omkring liva våre
- kan bruke ulike teknikkar og verktøy på ein høveleg måte innan fagområdet arkitektur
- kan gjere gode og hensiktsmessige materialval
- kan jobbe planmessig med ideutvikling og skissearbeid som del av ein designprosess
- kan lage og presentere arkitektteikningar, modellar og digitale presentasjonar for ei definert målgruppe
- kan vurdere og analysere ulike visuelle uttrykksformer i eige og andre sitt arbeid.
Studenten:
- kan utnytte faget sitt potensiale i å fremje god byggeskikk og berekraftig utvikling
- kan reflektere kring relevante helse-, miljø- og sikkerheits-tiltak knytt til fagområdet
- kan utveksle synspunkt og erfaringar med bakgrunn i fagområdet, og gjennom dette bidra til utvikling av god praksis.
Arbeids- og undervisningsformene i studiet er ein kombinasjon av førelesing, bruk av digitale formidlings- og læringsressursar og praktisk og teoretisk oppgåveløysing. Undervisninga vert organisert både individuelt og i grupper, og arbeidet kan vere både lærar- og studentstyrt. Studenten får prosessevaluering i arbeidsøktene og i framleggingssituasjonar. Det vert gjennomført turar i nærområdet.
Det er obligatorisk frammøte og deltaking i alle organiserte læringsaktivitetar og undervisning, jamfør Forskrift om opptak, studium og eksamen ved Høgskulen i Volda § 6-6.
Med deltaking meiner ein at studentane skal arbeide med oppgåveløysing slik at lærar og medstudentar kan få innsyn i læringsprosessane. Studentar som er borte frå undervisninga, har sjølve ansvar for å setje seg inn i gjennomgått fagstoff i deira fråvær.
Arbeidskrav: Eit praktisk arbeid med tilhøyrande dokumentasjon til fastsett frist.
Sensur blir gjennomført i samsvar med Forskrift om opptak, studium og eksamen ved Høgskulen i Volda § 9-4.
Studenten betaler ei materialavgift på kr. 800,- til innkjøp av fellesmateriale. I tillegg må kvar student pårekne kjøp av litt reiskap/utstyr. Liste over slikt utstyr vert delt ut ved studiestart.
- Design, kunst og handverk - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praktisk eksamen | Individuell | 6 Veker | A-F, der A er best og E er siste ståkarakter | 100 | Ei praktisk oppgåve med tilhøyrande dokumentasjon. |