Det er ein tett og gjensidig samanheng mellom læring og utvikling. Emnet kastar lys over dette samspelet, ved å sjå på ulike teoriar og faktorar som påverkar læring og utvikling hos barn og unge i skule og barnehage. Det vil bli lagt særleg vekt på kognisjon og motivasjon, som eit grunnlag til å forstå korleis læring skjer og kva som stimulerer individet til å delta i læringsfremjande aktivitet. Det vil også bli lagt vekt på sosialt samspel og –tilhøyr som viktig for utvikling og læring.