ULSP304 Leiing og åtferd
Pensumlister ligg her.
Ingen
Studentane skal tileigne seg kunnskapar om ulike forklaringar på sambandet mellom leiing og åtferd i barnehage og skule, og konsekvensar for læringsmiljøet. Kunnskap om organisasjonsperspektiv, endrings- og implementeringsprosessar er ei sentral ramme for å få ei djupare forståing av leiing og åtferd i barnehage og skule. Emnet set søkjelys på ulike forklaringar ut frå ei heilskapleg forståing av åtferd, og kva konsekvensar dei får for tiltak i barnehage og skule. Temaa vert drøfta både ut frå eit individ- og eit systemperspektiv, og ein vektlegg tydinga av læringsmiljøet både i barnehage og skule. Lærarrolla, gruppe-/ klasseleiing, mobbing og traume er sentrale tema i emnet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har kunnskap om organisasjonsperspektiv, endrings- og implementeringsprosessar og korleis verkar inn på den pedagogiske verksemda i barnehage og skule
- har kunnskap om ulike forklaringar og teoretiske perspektiv på leiing og åtferd
- har kunnskap om samanhengane mellom leiing og åtferd og konsekvensar for læringsmiljøet
- kan anvende kunnskap om læringsmiljø, mobbing og traume i pedagogisk praksis
Studenten
- kan legge til rette for endringsprosessar for å utvikle læringsmiljøet i barnehage og skule
- kan analysere og forstå åtferd både i eit individ- og eit systemperspektiv
- kan førebygge og avdekke mobbing og sette i gang relevante tiltak for å stoppe mobbing.
- kan anvende grunnleggjande kunnskap om traume i møte med barn og unge
- kan kritisk nytte gruppe-/ klasseleiing som verkemiddel i det spesialpedagogiske arbeidet i barnehage og skule
Studenten
- kan leie læringsarbeid gjennom å auke kapasiteten til å handtere utfordringar knytt til åtferd i barnehage og skule.
Emnet er organisert med samlingar over to dagar om lag kvar fjerde veke. Arbeidsmåtane i emnet vil veksle mellom førelesingar, seminar og gruppearbeid. Studentaktive arbeidsformer på samlingane vil bli vekta. Det er obligatorisk frammøte til alle samlingane.
- Frammøte
- Det er krav om 70 % frammøte til all undervisning, jamfør Forskrift om opptak, studium og eksamen ved Høgskulen i Volda § 4-6.
- Arbeidskrav
- Eit skriftleg arbeidskrav i gruppe, der ei teoretisk drøfting av sentrale tema i emnet er hovudsak. Omfang: 2500 – 3500 ord.
- Individuell munnleg presentasjon av eit sjølvvalt tema. Presentasjonen skal vere digital og vere på 10 – 15 minuttar.
- Ein individuell skriftleg opposisjon på eit munnleg arbeidskrav. Opposisjonen har ikkje eit gitt omfang.
Sensur vert gjennomført i samsvar med Forskrift om opptak, studium og eksamen ved Høgskulen i Volda §5-11.
- Spesialpedagogikk - master
- Spesialpedagogikk - master (deltid)
- Spesialpedagogikk - vidareutdanning
- Spesialpedagogikk - vidareutdanning (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 1 veke | A-F, der A er best og E er siste ståkarakter | 100 | Om lag 5000 ord (føreord, innhaldsliste, litteraturliste og eventuelle vedlegg kjem i tillegg). |