Semesters
KOH135 Innføring i handverk
Ingen
Innføring i handverk er eit obligatorisk emne i bachelorstudieprogrammet i design, kunst og handverk. Emnet inngår også som eitt av to emne i årsstudiet i design, kunst og handverk. Målet er å gje grunnleggjande opplæring i handverk og materiale, med spesielt vekt på tekstil, leire, tre og metall.
Gjennom praktisk skapande arbeid lærer studentane om form og funksjon i møte med handverksteknikkar, materiale og produkt. Studentane lærer om kunst- og formkultur, samt å bruke og relatere dette til eige skapande arbeid.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har:
- brei kunnskap om ulike materiale, handverksteknikkar, verktøy og maskiner knytt til tekstil, leire, tre og metall
- brei kunnskap om kvalitetar i form, funksjon og materiale
- kunnskap om estetiske læreprosessar
- kunnskap om kunst- og formkultur knytt til gjenstandskulturen innan tekstil, leire, tre og metall
- kjennskap til form- og funksjonsanalyse
- kjennskap til fagomgrep og prinsipp innan kunnskapsområdet
- kjennskap til fagområdet sin relevans i skule og samfunn.
Studenten kan:
- bruke ulike materiale, teknikkar og verktøy i arbeid med materialområda tekstil, leire, tre og metall
- reflektere rundt bruk av ulike materiale og handverksteknikkar i eige og andre sitt arbeid
- bruke og vedlikehalde verktøy og maskiner, alt ut frå eit funksjons- og miljøperspektiv
- gjere greie for ulike produkt sine kulturelle referansar
- bruke kunnskap om form og funksjon i eigne skapande prosessar, og reflektere rundt desse
- grunngje og reflektere kritisk kring val i eigen designprosess
- arbeide planmessig med idéutvikling og utforsking og som del av ein skapande prosess
- vurdere og relatere eige praktisk skapande arbeid til den eksisterande kunst- og formkulturen
- vurdere og analysere ulike visuelle uttrykksformer i eige og andre sitt arbeid.
Studenten kan:
- reflektere kring relevante helse-, miljø- og sikkerheits-tiltak knytt til fagområdet
- utnytte faget sitt potensiale i å fremme berekraftig utvikling
- innsikt i, og forståing for, materiell kultur i samfunnet
- utveksle synspunkt og erfaringar med bakgrunn i fagområdet, og gjennom dette bidra til utvikling av god praksis.
Arbeids- og undervisningsformene i studiet er ein kombinasjon av førelesing, bruk av digitale formidlings- og læringsressursar og praktisk og teoretisk oppgåveløysing. Undervisninga vert organisert både individuelt og i grupper, og arbeidet kan vere både lærar- og studentstyrt. Studenten får prosessevaluering i arbeidsøktene og i framleggingssituasjonar. Studentar som er borte frå undervisninga har sjølve ansvar for å orientere seg om det som gjekk føre seg i deira fråvær.
Anna som vedkjem gjennomføringa av emnet: Det vert forventa at studenten har elementær datakunnskap.
Enkelte førelesingar og pensumbøker kan vere på engelsk og nordisk språk.
Frammøtekrav:
Det er obligatorisk frammøte og deltaking i alle organiserte læringsaktivitetar og undervisning, jamfør Forskrift om opptak, studium og eksamen ved Høgskulen i Volda § 6-6, om obligatorisk frammøte og deltaking.
Med deltaking meiner ein at studentane skal arbeide med oppgåveløysing i verkstaden, slik at lærar og medstudentar kan få innsyn i læringsprosessane.
Arbeidskrav:
- Eit maskinopplæringskurs
- Tre praktiske oppgåver med tilhøyrande dokumentasjon.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
Studentane betaler ei materialavgift på kr 900,- til innkjøp av fellesmateriale. I tillegg må kvar student pårekna kjøp av litt basisreiskap/utstyr.
- Design, Arts and Crafts - bachelor
- Design, Arts and Crafts - year course
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praktisk eksamen | Individual | 6 Weeks | A-F, A is the best grade and E is the lowest passing grade | 100 |
Oppgåva skal inkludere dokumentasjon av prosess. Meir spesifikke retningslinjer blir gitt i forkant av
eksamensperioden.