Semesters

MNT211SKUL Rettleiings- og mentorutdanning 1

Course code: 
MNT211SKUL
Duration: 
2 semesters
Credits (ECTS): 
15
Level of study: 
Specialization level (bachelor’s degree level)
Teaching semester: 
2021 Spring
2021 Autumn
Assessment semester: 
2021 Autumn
Language of instruction: 
Norwegian
Required prerequisite knowledge

Sjå opptakskrav i studieplanen for Rettleiings- og mentorutdanning 1.   

Course content

Emnet gir kunnskap om eit breitt spekter av teoriar og metodar for rettleiing som verkty for læring og kompetanseutvikling. Sentrale tema er kommunikasjon, relasjon og samspel, etiske dilemma og makttilhøve i rettleiing. Det blir lagt vekt på korleis rettleiing, både individuelt og i gruppe, kan styrke læring og utvikling for studentar i praksis, nyutdanna, kollegaer og medarbeidarar, og korleis det kan leggast til rette for eit lærande fellesskap i organisasjonen. Rettleiing og mentorutdanning 1 (15 studiepoeng) er første del av eit rettleiingsstudium på 30 studiepoeng.

Learning outcome

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Learning outcome knowledge

Studenten skal ha kunnskap om:

  • ulike teoretiske tilnærmingar til rettleiingsfeltet
  • etiske dilemma og maktforhold i rettleiingssituasjonar i skule
  • korleis rettleiing kan nyttast i praksisopplæring og kompetanseutvikling i skule 
  • korleis ein som lærar eller leiar kan inkludere studentar, nyutdanna, kollegaer og medarbeidarar i eit kritisk reflekterande fellesskap 
Learning outcome skills

Studenten skal kunne:

  • bruke ulike rettleiingsstrategiar og -verkty
  • planleggje, grunngje, gjennomføre og evaluere rettleiing, sjølvstendig og i samarbeid med andre
  • stimulere læring og utvikling i relasjonar, og meistre dialogskapande kommunikasjon på ulike nivå
  • analysere og reflektere kritisk over rettleiingsteoriar, og eigen og andre sin praksis som rettleiar  
  • utøve etiske vurderingar i samband med rettleiingsarbeid
Learning outcome qualification

Generelt skal studenten:

  • kunne kritisk vurdere ulike rettleiingsteoretiske tilnærmingar
  • ha innsikt i relevante etiske problemstillingar knytte til rettleiingsfeltet 
  • kunne drøfte teoriar og erfaringar med andre innanfor fagområdet og gjennom dette bidra til nytenking og utvikling av god praksis
Working and learning activities

I emnet vert det lagt vekt på studentaktive læringsformer og studentane må rekne med høg deltakaraktivitet. Studiet har som mål å gjere nytte av og vidareutvike dei ressursane som ligg i studentane si yrkeserfaring, og legg vekt på korleis desse kan bidra til å skape eit godt læringsmiljø. Studentane vert organiserte i lokale nettverksgrupper som rettleier kvarandre og drøftar faglege tema. Her inngår skriftlege rapporteringar frå arbeidet som ein viktig læringsstrategi.

Emnet rettar seg mot rettleiing av elevar, studentar, nyutdanna lærarar, medarbeidarar og kollegaer elles, både på individ- og gruppenivå

Samlingane inneheld varierte arbeidsformer, som undervisning, rettleiingsøvingar, obligatorisk studentframlegg og plenumsdiskusjonar. Mellom samlingane skal det gjennomførast rettleiingsarbeid på arbeidsplassen og i lokale nettverksgrupper.

Undervegsvurdering 

Vurdering er ein viktig del av studieprosessen. Undervegs i studiet vil studentane få tilbakemeldingar på eigen rettleiingspraksis frå medstudentar og faglærarar. Det vert lagt opp til eigenvurdering blant anna gjennom skriving av fagtekstar, videopresentasjon og gjennom erfaringsdrøftingar i nettverksgruppene. 

Assessment requirements
  • Deltaking på alle samlingar på høgskulen
  • Gjennomføring av fire rettleiingsøkter der studenten er rettleiar
  • Deltaking i fire samlingar i nettverksgruppene
  • Innlevering av dokumentasjon i form av to fagtekstar (maks 1200 ord) frå rettleiingsøkter på arbeidsplass og/eller i nettverksgruppene. Fagtekstane skal ha vekt på utvikling av eigen rettleiarkompetanse  og nytte pensum i studiet. Fagtekstane skal vere levert og godkjent før studenten får gjennomføre eksamen.
  • Presentasjon av og fagleg refleksjon over eit videoklipp frå ei rettleiingsøkt i nettverksgruppa for faglærar og medstudentar (gruppepresentasjon)
Evaluation system

Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluation

Emnet vert evaluert i samsvar med HVO sitt kvalitetssikringssystem.

Minimum number of students: 
18
Maximum number of students: 
50
Person in charge: 
Terese Aarsund Myklebust
Used in other programs
  • Mentoring 1B
VurderingsformGrupperingVarighetKarakterskalaAndelKommentarHjelpemidlerOmfang
Home exam
Individual
14 Days
A-F, A is the best grade and E is the lowest passing grade
Individuell skriftleg heimeeksamen knytt til rettleiingspraksis og utvikling av eiga rettleiarrolle. Eksamen bygger på fagtekstar som er innleverte gjennom semesteret. Eksamen går over 14 dagar (utlevering kl. 9.00 og innlevering kl. 14.00).
Minimum 2500 ord, maksimum 3000 ord.
Approval signature: 
Arne Myklebust