Emnet strekker seg over to semester, og består hovudsakleg av planlegging og gjennomføring av eit større, sjølvstendig animasjonsprosjekt. Dette kan vere alt frå klassisk forteljande animasjonsfilm til eksperimentelle uttrykk, der en utforskar eit tema eller eit spørsmål. Det kan også ta form av dokumentar, informasjonsfilm, interaktive produksjonar, showreel osv. Ein kan jobbe åleine eller i gruppe med det sjølvvalde prosjektet. Etter å ha gjennomført prosjektet skal ein ha laga eit ferdig animasjonsverk som leverast som eit eksamensprodukt. Ein vil få utdelt ein rettleiar som følger opp prosjektet.

Studentane skal også beskrive og drøfte prosessen i eit refleksjonsskriv som dei leverer saman med eksamensproduksjonen, og som er rettleiande for den endelege karakteren. Ein vel eit sjølvvald pensum, som er meint å gi refleksjonane ein teoretisk basis.

Emnet gir også studentane kunnskap om animasjonsbransjen og om ulike moglegheiter som praktiserande animatør, for å førebu dei til tida etter bachelorstudiet.