Seminar: FoU i teori og praksis
May Britt Postholm tek første dagen for seg temaet Aksjonslæring og utviklingsarbeid i skulen. Andre dagen held Anne Kristine Øgreid førelesinga Å skrive i alle fag.
May Britt Postholm (biletet) er professor ved PLU, NTNU. Postholm har lang erfaring som lærar i grunnskulen, og har gjennomført fleire etter- og vidareutdanningskurs for lærarar om alternative arbeidsmåtar. Elevaktive arbeidsformer med fokus på både lærar- og elevrolle har vore tema både i hovedfagsoppgåva og doktorgradsavhandlinga hennar. Postholm har publisert ei rekkje artiklar som handlar om undervisning og læring, både nasjonalt og internasjonalt.
Postholm var redaktør og artikkelforfattar i boka «Klasseledelse» utgitt av Universitetsforlaget i 2003/2004, og har òg gitt ut boka Kvalitativ metode. En innføring med fokus på fenomenologi, etnografi og kasusstudier, ved samme forlag i 2005. På Universitetsforlaget har ho saman med Torill Moen også gitt ut boka Forsknings- og utviklingsarbeid i skolen. En metodebok for lærere, studenter og forskere (2009). Ho er medredaktør i Skriftserien Klasseromsforskning og i Tidsskriftet FoU i praksis som begge blir gitt ut på Tapir Akademisk Forlag.
Anne Kristine Øgreid er stipendiat ved Høgskolen i Oslo. Ho har mange års undervisingserfaring frå norsk og samfunnsfag på ungdomstrinnet og arbeider no med eit doktorgradsprosjekt om fagskriving på ungdomstrinnet. Ho har arbeidt særskilt med argumenterande skriving hos ungdomsskuleelevar, og har blant anna skrive artikkelen «Stjålen skrivefrihet? – om argumenterende skriving på ungdomstrinnet» i Nergård og Tonne (red.): Språkdidaktikk (2008), samt ei elevbok om fagskriving saman med Kjell Lars Berge og Trine Gedde-Dahl (SKRIV – skriving som grunnleggejande ferdigheit, 2009).
Program
Torsdag 22. oktober kl. 11.30–13.00 i Store auditorium på BK, Høgskulen i Volda:
Aksjonslæring og utviklingsarbeid i skulen
Førelesing ved professor May Britt Postholm
Torsdag 22. oktober kl. 13.45–14.30 i Store auditorium på BK, Høgskulen i Volda:
Frå teori til praksis – prosess og produkt i FoU-arbeid
Førelesing ved professor May Britt Postholm
Fredag 23. oktober kl. 09.15–10.45 i amfiet på Volda turisthotell:
Å skrive i alle fag
Førelesing ved doktorgradsstipendiat Anne Kristine Øgreid