AA-studiet – mitt beste semester
Austral-asiatiske kulturstudium skal auke forståinga for andre kulturar og utvide det faglege perspektivet. Studiet inngår som ein del av ulike bachelorgradsstudium ved høgskulen.
– Jeg hadde lyst til å reise, og hadde aldri vært hverken i Australia eller Asia. Studiet ga meg en sjanse til å "slå to kontinent i en smekk". Jeg tar en bachelor i journalistikk og kan fylle andreåret med stort sett det jeg vil, fortel Martin.
Australia - Japan
AA-studiet gir ei innføring i viktige sider ved austral-asiatisk kultur. Sentrale tema er kunst og kultur, religion, historie, politikk og velferd relatert til eit multikulturelt samfunn.
– Først dro vi til Malaysia, og der var vi i omtrent en uke. Det ble på mange måter et artig kultursjokk. Vi dro videre til Brisbane i Australia i syv uker, avbrutt av turer på eget initiativ til Sydney og surfebyen Byron Bay. Derfra dro vi til den australske ødemarken i fem dager, og til byen Bourke, hvor vi bodde hjemme hos en australsk vertsfamilie. Det var veldig interessant og lærerikt.
Dersom ein reiser til "outbacken" i Australia, er ein nesten garantert å sjå kenguru. I Bourke hadde dei til og med baby-kenguruar med bleiar.
Her er ein del av gjengen frå 2008-kullet samla ved "The Great Barrier Reef" utanfor kysten av Cairns.
I Brisbane hadde studentane ulike førelesingar frå emne om australsk historie og kultur. I tillegg hadde dei tid til å studere og oppleve vanane til australiarane på eiga hand.
– Spesielt Brunswick Street anbefales for den som vil oppleve Brisbane på kveldstid. Etter Australia dro vi til Japan. Dette var for mange turens høydepunkt. Det var som å komme til en annen planet. Jeg følte meg like velkommen der som hos bestemor. Fra Japan dro vi tilbake til Australia for å snorkle og rafte i Cairns, før vi satte kursen tilbake mot Brisbane. Etter et par dager reiste de fleste tilbake til Malaysia, for så å utforske Sørøst-Asia på egen hånd fram til jul, fortel Martin, som no er tilbake i Volda som student ved Avdeling for mediefag.
Tokyo, med nesten 13 millionar innbyggjarar, sett frå ein av dei mange skyskraparane.
Eit utsnitt av Shinjuku-distriktet i Tokyo, der den nærmaste t-banestasjonen er den staden i verda der det passerer flest menneske kvar dag.
Reise, studere og oppleve
Det meste av undervisninga på AA-studiet går føre seg på engelsk, og karakteren vert vurdert ut frå eksamen og semesteroppgåve (les meir i emneplanen). Internasjonalisering og kunnskap om ulike kulturar er viktig for større kunnskap om menneske og samfunn før og no, nært og fjernt. Martin anbefalar studiet på det sterkaste.
– AA-turen er en helt rå mulighet til å kunne reise og samtidig få studiepoeng. Jeg kan med hånda på hjertet si at det er det beste semesteret jeg har hatt i skolesammenheng, avsluttar han.
Interessert?
Les meir om studiet her og korleis ein kan søkje. Hugs søknadsfristen 1. mars!